بسم الله الرحمان الرحيم
هذه أول مشاركة لي وأرجو ان تعجبكم وهي تشبه قليلاالكيكة التي قدمتها الخت الغالية lilas بتاريخ 12-28-2019
المقادير
4بيضات-2كيسان عنبة سنيدة-2 كيسان زيت-4كيسان طحين -2كيسان ماء دافئ- قطرات من روح اللوز-شكلا غبرة مسوس أو كاوبيل-4 خمارات
السيرو
حامضة مقطعة دوائر-ماء -سنيدة حسب الحلاوة اللي بغيتي غليه مزيان واسقي بيه الكيكة من بعدماتخرجيها من الفرن مباشرة
التزيين
شكلاط اسود مذوب في حمام مريم- كركاع–
الطريقة
خدمي البيض مع سنيدة والزيت وشوية الملحة في مولينكس أو بالطراب الكهربائي أضيفي 2 أو3 معالق كبارشكلاط غبرة ثم أضيفي الطحين وخلطي جيدا بالطراب الكهربائي أو اليدوي الى ماعندكش الكهربائي غدي تحصلي على خليط قاسح يعني ماتينزلش من الطراب أضيفي الماء وحركي جيدا حتى يوليخفيف بحال الكيك العادي أضيفي الخمارات في الأخير و صبيه في قالب يكون كبير الى عندك قالب صغير استعملي فقط نصف المقاديرومن الأفضل ما يكونش فيه الحفرة في الوسط ادهني القالب بالزيت ورشيه بالطحين مزيان ثم اخليها الفرن حتى تنضج سقيها مزيان بالسيرو وخليها تشربوا مزيان عاد صبي عليها الشكلاط المذوب وزينيها بأطراف الكركاع أعمليها على شكل ميل فوي أوباش مابغيتي على حسب الرغبة ديالك
ملاحظة
بخصوص وقت الطياب أنا كنطيبها في فرن عدي ماشي كهربائي وعلى نار متوسطة
كنتمنى تعجبكم وتجربوها راها كتجي رطبة وخفيفة واسمحولي الى طولت عليكم وشكرا
;d;m fhglhx hgshok 2
الله يحفظك
شكرا لكي على الافادة تحياتي
تبارك الله عليك راها تجي زوينة…اكيد وشكرا على الشرح بالتفصيل واخا مكانش الصور راكي شرحتي مزيان…غي لي ما بغا ياكل الكيك….عندي واحد السؤال..واش الماء ساخن فقط ولا طايب
[/frame]
شكرا على ردودكن وتشجيعاتكم وبخصوص سؤالك أختي الكريمة الماء كيطيب مزيان ويمكنليك تستعمليه سخون أو غير دافي ماشي مشكل المهم هو تسقيها وتزينيها فالقالب اللي طيبتيها فيه باش ماتتفرتتلكش خصوصا الى كان القالب كبير وكلما كبر زيدي المقادير ونتمنى يعجبك
سمحيلي تأخرت في الرد كان عندي مشكل في الحاسوب
ربي اغفر لي ولوالدي ولجميع المؤمنين يوم يقوم الحساب