Oum Hedayah
19-5-2019
هانا جيت وجبت ليكم الجديد وان شاء الله يعجبكم كيك رائع هشيش والمذاق يا ط³ظ„ط§ظ… عليه ماتسخاوش منو يالاه باراكا من الهضور واجيو للمعقول ههههههه
المقادير:
5 بيضات
250غرام ماسكاربون
90غرام كوك
75غرام دقيق
160غرام سكر سنيدة
4 معالق كبار قشدة طرية
4 خوخات
اول حاجة نفرقو الصفر د البيض على البيض تاعو
ناخدو بيض البيض ونطربوه مع قريصة د الملح حتى يولي بحال الثلج ونزيدو عليه نصف كمية سكر سنيدة مع الاستمرار في التطراب
ثانيا ناخدو الصفر د البيض نزيدو عليه نصف الكمية د سنيدة لي بقات لينا و جبن الماسكاربون والقشدة الطرية والكوك نخلطوهم مزيان تايندامجو ونزيدو عليهم الدقيق
دابا غاناخدو الخليط الاول نزيدوه على الثاني ونحركو بمعلقة د الخشب من الفوق للتحت وبالمهل تا يندامجو مع بعضهم
ونعملوهم في المول ونزوقوهم بطريفات د الخوخ على شكل هلال
نعملو الكيك يطيب في الفران مسخن على درجة حرارة °180 لمدة 45 دقيقة مني يطيب نخليوه في المول تايبرد وهاهيا واجدا
بالصحة والراحة
;d;m fhg;,; ,hglhs;hvf,k ,hgo,o dh h sghl
كيشهي , دوماج حطيتيه بالليل كون خديت الطريف , خبيه ليا للفطور
تستاهلي احسن تقييم
احسن تقييم مع الاعجاب
المشاركة الأصلية كتبت بواسطة كراميلا& 
كيشهي , دوماج حطيتيه بالليل كون خديت الطريف , خبيه ليا للفطور
تستاهلي احسن تقييم
ربي يخليك ليا الزين هاهوا غانخليه في بلاصتو غدا جي فطري بيه هههههه وشكرا احبيبة على تقييمك
المشاركة الأصلية كتبت بواسطة oum hedayah احسن تقييم مع الاعجاب
شكرا بزاف يا احلى مشرفة او بالاحرى المعلمة ديالنا والله انتي لي تستاهلي كل شيء بارك الله فيك وسعيدة حيث نورتي موضوعي
المشاركة الأصلية كتبت بواسطة فرح ومرح انا الاسعد اختي بارك الله فيك و شكرا جزيلا لكلامك الطيب
المشاركة الأصلية كتبت بواسطة ام ريم وريان 1982 هههههههههههه والله لا عندك الحق اوا يصبر عليا تا نرجع ولا نعملو الكيك تاهوا في الكونجيلاتور