كيكة بالكاكاو ساهلة و لديدة

السلام عليكم و رحمة الله و بركاته كيف حالكن اخواتي نتمنى تكونو كاملين بألف خير و سمحو ليا على الغيبة الطويلة ديالي لأني كانت دايرة عملية في الظهر ديالي و بلا ما نطول عليكم نبداو على بركة الله

كيكة بالكاكاو

2 بيضات
2 خمارات حمرين
2 معالق كبار من الكاكاو
8 معالق كبار سنيدة
8 معالق كبار زيت
8 معالق كبار حليب
8 معالق كبار دقيق

نخلطو جميع المقادير بالطراب اليدوي أو في مولينكس و نصبو الخليط في مول مدهون بعدما طيب نوجدو الكريمة باش ندهنوها

الكريمة

4 أو 6 ديال الشكلاطات
كأس ديال دانون فان أو نكهة لي حبيتو
ملعقة ديال الكاكاو
طريف ديال الزبدة إلا ماكنتش نديرو شوية الزيت

كنديرو الشكلاط و الزبدة في حمام مريم يدوب ملي يوجد نضيفو عليه الكاكاو و دانون و نخلطو مزيان ثم ندهنو الكيكة و نرشوها بالكوك أو الفيرمسيل
ملاحظة هاد الكيكة ماكتكونش طالعة بزاف
نتمنى تجربوها غادي تعجبكوم و متبخلوش عليا بشي دعيوات بالشفاء العاجل

[info]
ثم اضافة الصورة للموضوع
م و ا
[/info]

---

;d;m fhg;h;h, shigm , g]d]m

تبارك الله عليك كيكة كتشهي…الله يخليلك صحيحتك اختي و يشافيك عاجلا

اللهم آمين يا رب شكرا أختي salimamaroc

مشكورة حبيبة.و بالشفاء العاجل إن شاء الله

تبارك الله عليك اختي او الله يشافيك فى القريب العاجل بادن الله

شكرا اختي على الوصفة اسال الله العظيم رب العرش العظيم ان يشفيك شفاء لا يغادر سقما

شكرا لكن أخواتي على الدعوات ديالكم جزاكم الله خيرا

أختي مايكون عندك باس وعودة محمودة وتبارك الله عليك وعلى الكيك اللي جبتي معاك

لهلا يوريك باس يا بنت بلادي

شكرا بزاف باينة لديدة بزاف لهادا ان شاء الله غادي نجربها بلا تردد.الله اشافيك الحبيبة وجعل
هاد المرض مغفرة الدنوب .شكرا والله اجازيك بالخير.