كيكا بخيزو و الكاكاو . مداق لا يقاوم.

كيكا ط¨ط®ظٹط²ظˆ و مقادير بساط، الطريقة مفصلة بالصور إيلا تبعتو المراحل كما ينبغي إن شاء الله غادي تبهركم النتيجة و الكيكا مغاديش تبقا تخطاكم خصوصا إيلا كان جاي الضيف.

على بركة الله نبدأ:

الـمقـاديــر:

4 بيضات
كأس عنبة زيت.
كأس عنبة سنيدة (أنا استعملت السكر البني ماشي ضروري، النتيجة نفسها غي المداق لي شوية يختلف).
كأس كبير خيزو محكوك (قياس جوج خيزويات كبار).
2 معالق.ك كاكاو (من الأحسن المر).
1 فاني.
خمارة الحلوى 15g (خمارات ألزا الحمرا 2 ).
دقيق حسب الخليط (مابين 4 حتى ل 6 معالق حسب نوعية الدقيق المستعمل).

الطريقة :

نخلطو كل من : السكر + الزيت + الكاكاو + الفاني.

نضربو بياض البيض بوحدو و أصفر البيض بوحدو. (نعطيوهم الوقت حتى نحصلو على كريمة من الأصفر و الأبيض يرجع رغوة متماسكة).

ناخد الخليط لي وجدت فالأول و نزيد عليك خيزو و نخلط مزيان حتى ينسجمو.

من بعد نضيف كريمة صفر البيض، مع التحريك الخفيف من الأسفل للأعلى باش الخليط يتهوا.

بنفس الطريقة فالخلط نضيف بياض البيض، و نحاول ما أمكن نْهَوِّي الخليط.

نضيف الدقيق مع الحفاظ على نفس الطريقة في الخلط.

الخمارة هي آخر حاجة نضيفها للخليط.

نوجد المول و ندخل الكيكا للفرن.

مين نشوف الكيكا طابت نطفي الفران و نخليها مدة 10min عاد نخرجها.

ها هي بعدما خرجتها من الفرن.
و كما كتلاحظو كلها ثقوب من الفوق و الجوانب، نتيجة فقاعات التهوية.

التزيين:

بطبيعة الحال مسألة التزيين تبقى اختيارية.
هنا خديت كمية من حبوب الشكولا، ضفتلها ملعقة حليب، خليتها تدوب فحمام مريم.
بعدما دابت تقريبا كليا (كنخلي فيها بعض الحبوب مدايباش تجي زوينة فالمداق) نضيفلها دانون طبيعي، نخلط قليلا اعتمادا على حمام مريم و من بعد نكمل الخلط عادي (بدون تسخين).

حتى الحصول على كريمة الشُّكولا اللامعة.

نزين الكيكا بكريمة الشكولا.

رشة من رقائق اللوز.

و هـاهـي الـكـيـكـا ديـالـنـا واجـدة بـتـوفـيـق مـن الله.

نتمنى تجربوها و تعجبكم كما عجباتني، و تدعيو معايا دعوات بظهر الغيب كما كندعي مع الأخت لي عطاتني المقادير جزاها المولى كل خير.

في أمان الله.

و الحمد لله رب العالمين.

;d;h fod., , hg;h;h,>>> l]hr gh drh,l>