السلام عليكن أخواتي
الطلب باين من عنوانه بغيت نعرف كيف ممكن نحتافظ بالحلويات مدة ط·ظˆظٹظ„ط© بلا ما تتغير فالطراوة ديالها
خاصة أنها باللوز فقط
بغيت ماتتغيرش فالطراوة أقلها مدة شهر عاد غنحتاجها
راه عندي في بواط ديال البلاستيك وكل تفريشة مغطية ببلاستيك والآخر مغطية بالألنيوم ومغطية بالغطاء ديال البواط ههههه صافي خفت يضربها الريح 
واش هذا كافي ولا عندكم شي طريقة أفضل الله يجازيكم كل الخير
;dt kpht/ ugn hgpg,n gl]m ‘,dgm ggpf ,]htu
أهلا بمشرفتي
بالنسبة لسؤالك ، واحد صاحبتي قالتي كادير قشور البنان مع الطاسة باش مايقساحش الكاطو
ولكن ماعمري جربتها ، حيت الحلوة عندنا ماعمري عقلت عليها فاتت ثلات أيام هههههه واخا كانعياو نخبعو زعما يبقا غير للضياف.
نتمنى يجي اللي يفيدك أكثر
عيد مبارك سعيد
[/align]
ناوية عليها نخبيها مني
حينت بالوصاية من المغرب وبغيتها لحين نولد إن شاء الله راه مانقدرش نعدلها بوحدي واهنا مجودة ولكن مااااش بحال ديال المغرب
بالنسبة لقشور البنان كنظن غيطلق الريحة حينت دغيا كيخسر
ربي يخليك أختي على اهتمامك وإن شاء الله تدخل الي تساعدني ونستافدوا جميعا
الله يسهل عليك الولادة
بالصح مكاينش بحال حلوياتنا .
ياربي تلقاي شي فكرة من العضوات . الله يعينك ياأختي ويسرلك أمورك
[/align]
والحل بسيط جيدا خليها كيف قلتي يعني مسدودة و مغطية بالبلا ستيك و ديريها ف الفريكوا و ما تخافيش عليها نهار تحتاجيها خرجيها
خليها ترتاح قليلا و بداي كتستعملي اللي محتاجة منها و الي ما بغيتيه خليه فالفريكوا حتى الوقتوا .
و مبروك الله يكمل بالخير
الحلوة الا بغيتيها تصبر ليك أطول مدة هي كيما قالت الأخت محبة الخير ديريها فالفريكو فبواطة محكمة الإغلاق واخا ديال اللوز .راه تتبقا كيما هي ومنين تتجبديها تتجي بحال الا عاد صاوبتيها.والله يفكك بخير وعلى خير
أنا درتها في بلاستيكات خاصة بالمواد الغذائية وحطيتها فالثلاجة ولكن ماشي الفريكو
عندي ثلاجة فيها جزء خاص بالسمك كتخلي الحاجة بااااااااردة بدون ما تيبسها والحلوى الباقية انديرها فالفريكو إن شاء الله
داك شي لي كندير حتى أنا
المهم هو تحكمي الإغلاق عليها راها كتصبر بزاف
والله يكون معاك ويعطيك لعوين ويسهل ولادتك آمين
السلام عليكم ورحمة الله وبركاته
متصدقنيش الى قلت ليك درت الشباكية في الفريكو بقات عندي من رمضان 2024حتى رمضان 2024 وباقا كيما كانت .