كيف دايرا حالتك النفسية بعد الولادة؟ عاوديلينا

السلام عليكم. اليوم جبت هاد الموضوع باش ناقشو هاد المشكل الا وهو الحالة ط§ظ„ظ†ظپط³ظٹط© للمرا بعد الولادة. كاين لي كايجيها اكتئاب او احباط او فشل. وكاين لي كتمرضها تجربة الوحم او الولادة القاسية. الهدف نتشاركو تجربة كل وحدة فينا ونقتارحو الحلول باش نرجعو لحياتنا الطبيعية. نتمنى تتفاعلو مع الموضوع

---

;dt ]hdvh phgj; hgktsdm fu] hg,gh]m? uh,]dgdkh

انا ختي عانيت فترة الحمل والوﻻدة كتر وكتر ونفسيتي بقات مازمة والعصبية مانقولكش دابا بنتي عندها عام ومازال موترة وعلى سبة

قستيني اختي فجرح، انا شهرين هادي باش ولدت فالغربة ، ولادتي الاولى ناس كتفرح مني تولد ونا عطيتها غير لبكا ، مكنت عارفة حتى حاجة ولدي مني كنبدل ليه ولا نهزو كنخاف … الحمد لله على كل حال ودبا باقي مرة مرة كنقنط ونتازم

فالاول كيكون صعيب خصوصا فالولادة الاولى لنقص التجربة واخا كنت عند ماما الله اخليها ليا لكن فالليل كنت كنقول ليها خليني بوحدي معاه باش نولف و هو فالاول عندو بحال الليل بحال النهار انعس شوية و انوض خاص اللي اهزو و مع الفتيح و قلت النعاس و المسؤولية الجديدة كنت كنحس براسي كنهار و كنقول اش داني هههههه لكن دابا الحمدلله الله اخلي ليا ولدي هو احلى حاجة عندي فالدنيا غير كتفوت ديك شهرين صافي كتولفي السيستم الجديد

اختي كيما قالت الاخت حطيتي ايدك على جرح انا عاد ولدت هادي 3 اسابيع و في الغربة غي بوحدي معايا الله و راجلي هاد سيمانة راني شوية بديت نولف اما سيمانات اللي دازو عطيتها غي لبكا كنقول مكاين اللي فرح معايا و اللي قتلاتني اختي هي فاش كنت خارجة من سبيطار غي بوحدي و كنشوف الغرف ديال والدات اللي حدايا عاااااامرين بالزوار صافي دموع مبغاوش يحبسو ليا واحد سيمانة و زاد عليا راجلي ولا ينعس في بيت لاخور مع كيكون خدام صباح و بنيتة كتفيق كل ساعتين ترضع و هو نعاسه خفيف صافي واحد خنقة راه لدابا مازال كنبكي و الحمد الله على كل حال

عن طريق : samsung – GT-S6810

فكرتوني فولادتي الاولى جاني اكتئاب بعد الولادة. المسؤولية الجديدة و السهير و الرضاعة والفتيح….كنت غير كنبكي. وكان راجلي كينعس فبيت اخر باش ما يفيقوش البيبي وكنتكنحس بالحكرة. بلحق ماحد ولدي كيكبر والمعاناة كتقلال. دابا ماشاء الله عندو خمس سنين. كولشي كيفوت بالصبر

الحمد لله انا 4 شهور باش ولدت و حالتي النفسية حاسه بيها متأزمه النوضان بالليل . عاد اهم حاجه اثار الولادة لتتبقى على جسم من زيادة في الوزن و الكرش تتبقى حتى هي و الرضاعة و تغييرات لتتطرا للصدر زعما تدوز علينا غير لمبغاش تأثر ليه نفسيتو والحمــــــــــــــــــــــد لله

benaniamal mina medina nti a khti ?

السلام عليكم اخواتي انا ولدت فسبتمبر بنتي راه عندها قريب شهرين حتى انا جاني اكتئاب ولكن بالدعاء وكترة الاستغفار ،رراني احسن ملي كنت
رغم انو هاد ولادتي 3 و جاني هاد الاكتئاب و في ولاداتي السابقه ما عانيتش منو،ولكن راه طبيعي جدا و مرحله و تفوت بحول الله وشنو هو لازم الامان بربي يكون كبير و ثقتنا بيه كدلك و هو لي راح يساعدنا في تخطي هاد المرحله،ولازم تعمروا وقتكم بحاجه مفيده و تخرجوا من الدار لانوا بقيتوا في الدار الشيطان غادي يستفرد بيكم
إإنا هاد الشييء لي راني ندير و الحمد لله راني افضل بكثير ملي كنت

انا من الرباط وانت؟