كيفية تعطير المنزل

السلام عليكم انيقات عندي ليكم واحد السؤال هو أن ريحة ديال الطياب كتب شادة في الدار أو في بيت الجلوس حيت كناكلو فيه وانا كنهوي الدار اللي عندها شي حل تعتقني به الله ايجازيها بالخير ا حتى شي طريقة باش نريد الروائح من الزربية

---

;dtdm ju’dv hglk.g

السلام عليكم ورحمة الله وبركاته

ممكن حبيبتي تستعملي انواع العود والبخور العربية الي موجودة حاليا .
وممكن ايضا تبخري بالخزامى حتى هي كتعطر البيت .
كاينة عطور كتتباع عند تجار العطور ديال الخليج كترشيها بعدما تسيقي دارك او تشطبي الزرابي .

اختي انا كنجفف و نمسح بواحد سانيكروا مزيون بزاااف واحد القريعة صغيورة هي كتكون في اول بحال زيت و كتخلطيها مع 3 لتر الماء هما كاتبين فيها مع 5 لتر ولكن المحل لي كيبيعها قالي خلطيها غير ب تلاتة لترهي قريعة د زاج مكتوب فيها عطور التقوى روح رومونس و دايرين فيها maison ,salle de bain ,cuisine ,entreprise انا غنحط تصويرة ديال القرعة

cell \
ها هي الصورة ديالو راه القرعة خاوية حيت خلطتها مع تلاتة لتر ماء و الشهر كامل و انا كنستعملها و راه باقي عندي ، ستعمليه للحمامات و في الارض و ديريه في الشطابة و شطبي الزربيات راه كتبقى الريحة راااائعة ، انا كنشطب بيه الطابي ديال باب الدار من برا و ملي كنطلع في الدروج و نبغي نحل الباب ديييما كنشم ريحة مزيونة و كنفرح و كنمسح البيرو و فيترينا ديال تلفاز و ماكينتي شوية مخفف بالماء غير الخشب لي مكنبغيش نمسحو كنخاف يتبرقع

اختي ممكن تقولي فين خديه

اختي خديتو من عند واحد السيد كيجيب غير مواد النظافة ف كازا كنشريه ملي كنمشي عند ماما و معرفتش واش نلقاه في سطات و لا لا ،ضروري غيكون عند لي كيبيعو العطور و العود و زيوت عطرية

شكرا اختي حيت انا فالغربة

ااه اختي ان شاء الله ملي تهبطي للمغرب شوفي شي واحد كيبيع مواد النظافة و خودي منو ديه معاك

شكرا بزاف على الاهتمام

شكرا للأخت آلاء عمر فدتينا بزاف