بسم الله الرحمن الرحيم
اللَّهُمَّ صَلِّ عَلَى مُحَمَّدٍ وَآلِ مُحَمَّدٍ، كَمَا صَلَّيْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَآلِ مُحَمَّدٍ، كَمَا بَارَكْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ
السلام عليكم و رحمة الله تعالى و بركاته اليوم انشاء الله غنتكلم على عنايتي بإيديا ورجليا يلا تبعو معايا
بالنسبة لليدين ظˆط§ظ„ط±ط¬ظ„ظٹظ† :
فالصباح :
ايلا كنت خارجا وغنلبس les bottes ولا les éspadrilles كنعمرهم مزيان بفازلين مللي كنجي كنلقاهم رطبييين
فالليل :
كغسلهم بماء دافي + كندهنهم بفازلين
مرة في الاسبوع :
بالنسبة للرجلين :
كنمسح الاظافر بمزيل الصباغة + كنجيب الآلة ديال المساج اللي معندهاش تجيب سطل كندير الماء سخون اللي نقدر نتحملو معاه شوية الملحة غير العادية / ملعقة ديال حليب ديال الجسم وشوية جيل دوش وكنخلي رجليا فداك الما حتى يرطابو + من بعد كنجيب فوطة كنحطها فوق فخادي باش نحط عليها رجليا فاش نبغي نحكهم + كنخرج الرجل الاولى وكنحكها بالحكاكة وجيل دوش مللي كنسالي كنرجع الرجل فالما سخون و كنخرج الرجل الأخرة و كنستعمل نفس الطريقة + كنعاود نحك رجيلاتي بنفس الطريقة و لكن بلا جيل دوش + من بعد كنحك ظفار رجليا بالشيتة والصابون وكنغسل رجليا بالما دافي نقي + وكندير هاد الوصفة الخطيرة من عند واحد العضوة الله يجزيها بالف خير ملعقة كبيرة ديال الديميلور / ملعقة ديال ملح عادي مع شوية ديال اليوغورت وكنبد ندير تقشير بحركات دائرية من الفوق ومن التحت و كناخد 2 بلاستيكات وكنلبسهم لرجليا و من بعد كنلبس تقيشرات غلاض وبانطوفة + مللي كدوز 15 دقيقة كنغسل بالما دافي وكنشفهم بفوطة وكندهن ليهم فازلين مزياان وكناخد الحكاكة و كنبدا نحك غير بشوية + وكنغسل رجليا بالما دافي نقي وكنعاود ندهن ليهم فازلين ونلبس من بعد التقيشرات وهأنا ساليت من رجليا .
وبصحتكم هذ الرجيلات 
أما بالنسبة اليدين :
كنمسح الاظافر بمزيل الصباغة + كنجيب زلافة كبيرة كندير فيها الماء سخون اللي نقدر نتحملو معاه شوية الملحة غير العادية وشوية زيت اللوز أو أي زيت موجود وكنخلي ايديا فداك الما حتى ترطاب + من بعد كنشفهم بفوطة + كنجيب أدوات المانيكير كنقاد الشكل ديال الاظافر وكنحكهم ب lime polissoir كيرجعو فحال داير ليهم la base + كندير ليهم gommage ديال سنيدة والزيت البلدية + كنغسل إيدي فداك الما اللي ستعملتو من قبل + كنشفهم بفوطة + وكندير ليهم ماسك مرة مرة كندير ديال بطاطة مسلوقة / تفاحة مسلوقة / عصير الحامض ‹ كنمعكهم فحال puré › (هادي كنخليها نصف ساعة باش تبانلي نتيجتها ) حتى هي خديتها من نفس العضوة ههههه الله يجزيها بالف خير ومرة كندير ملعقة عسل حر و ملعقة يوغورت (هادي كنخليها شي ربع ساعة) من بعد كنغسل إيدي بالما دافي وكنشفهم بفوطة وكندهن ليهم فازلين .
وبصحتكم هذ اليدين 
كيفما لاحظتو بديت بالرجلين حيت فاش غندهن إيديا مخصنيش نعاود نقيصهم بالما و … باش يستافدو من الترطيب و حاولو ديرو القفازات فاش تبغيو تغسلو الماعن ولا تنقيو الخضرة وقبل متلبسوهم دهنو الليدين مزيان بكريم مفضل باش ديرو 2 في 1 وبصحتي وبصحتكم دعيو معايا بتحقيق مافبالي السلام عليكم ورحمة الله وبركاته.
;dtdm hgukhdm fhgd]dk ,hgv[gdk gh Ygi Ygh hggi
شهيتيني نطبق هاد الشيء
10/10