كيفة اسير في طريقي بدون استسلام للعراقيل

حبيباتي الغاليات اتمنى ان تكونو في تمام الصحة والعافية..
اولا ولله الحمد لا اعرف شيء مستحيل بالعكس انا زعيمة فكل شيء ولله الحمد..
اعرف على مشكلتي العويصة التي تهدموني في كل مرة..
من تزوجت كنت كلست من دراسة او لتزمت البيت الزوجية وخا بقات فيا بزاف او تاترات فيا بزاف لا صحيا ولا جسديا..وليت كالسة غير لقال شي كلمة عن قصد او لا تنبقا نحلل فيها او نشرحها او نزوقها تجبتها فصحتي..
رجلي بقيت فيه لاني مولفتش لكلاس فدار بقى كيقلب او ابحت تقا وحد المدراسة تيعلمو فيها الطبخ اوالحلوى..اوا نضوليا الناس لقراب ليا لاعائلتي ولاعائلت زوجي ..اوا صافي اش بغيتي بهد شي كلسي قبلي ولدك او تهلاي فدارك..اما ئلى جيت نطبق شي حاجة اوا تشوفي فلانة كيف صوبتها اش كتصوب فلانا لخرى..حتى عقدوني قريت عام تقربت نخد ديبلوم هو يجيني الملل درت بناقص.
من بعد تعرفت على وحد المديرة فشركات الربحية اوبقات تتشجعني ..ديما تتقل ليا خصكي طوري راسك او تعاوني راجلك وخا منقصك خير راجلي كيعجبو المرا ة لتتكن مبادرة او تتبت داتها او منها تقتلي روتين اليومي..قلت ليها اوكي سجلاتني والحمد الله وخا مكانش عندي الحتكاك مع الناس كنت حدودية كتر من لازم بالعزيمة او الارادة او مساندة زوجي ماديا او معنويا طورت راسي ولله الحمد او وصلت مدة 4 شهور ولاو فتحو ليا كوند فالبنك او مشا معايا راجلي او فرح تهو ..
من بعد بقيت توصلت مرتابة ولله الحمد وليت نتخلص كل 15 يوم كيدوس ليا مبلغ ..زيت تهليت فراسي او ولدي او عاد الهداية لكنجيب راجلي اوا كنت نبعد قدر المستطاع بالمحيط تاعي باش ميهدمونيش ..وخا هكاك مفلحتش عوتاني نضو ليا اوا الله استر منقصها خير راجلها كيجيب كلشي تلعندها اوا وخفا طير..عاد تيليفون متيحبش او درها ممعمرهاش توليت عادفها مبقيتش نقدر نجاوب فالتليفون الناس لبغا تخدم حتى وليت تنزل بشويا بشويا..
وخا هكاك مستسلمتش بتشجيعات راجلي تيقل لي برافو عليك متسنتي لتحد هو اصلا مبقى يحمل اجي عندي شي حد ولا اطلع عندي شي حد..باش منستسلمش..اوا رجعت عوتاني رتبة تاعي او درت بيرمي عوتاني اوا صافي هدشي لناقصك زعما نتي تصوكي اوا بزز درت القطن فودني اوا الحمد الله شديتو ..عرفت راسي حاملة بنتي..اوا تما خرجو ليا نياب تاعهم حيت انا كنمرض فالحملة تاعي متنقدرش نخرج او كيمنعو عليا نتمشى اوا جاب ليا مسكين وحد سيدة تتعاوني فدار هيا او بناتها

---

;dtm hsdv td ‘vdrd f],k hsjsghl gguvhrdg

ديما دار نقيا او مجموعة انا غير كنطيب اش ولات تدير ليهم حمتي..ملكم طلعين نزلين..متبقاوش تصونيو بزاف..از زيد او زيد باش تكرهم فدار ميبقاوش اجيو..انا مبقيتش نقدر نخرج ولاو بنات الكروب تاعي كيجيو لعندي لداري ندوز ليهم كوموندات او نعطيهم كتالةك او ندير ليهم فورماسيو..اوا ولات حمتي او ولاد بنتها تيرونو دروج او حالة مهيا حالة عارفيني متنرضاش..اوا انا عوتاني نت تنتهرب من الناس متنبغيش نخدم معاهم تصافي كلست دربو عليا شركة ..اوا نضوليا اوا تشوفي فلانة (على مرات خويا)انا كنت زعمتها تخدم ..تشوفي شحال دزت ليها او تشوفي الكدويات لعطاوها ..اوا تيعدو عليا تبغاو اقتلوني بالاعصاب..
دبا انا عام باش مدرت والو غير فدار مقابلة ولادي نيت بنتي صغيرة قلت غير تقبط فراسها او نشوف اش ندير ..اوا تتعرفت على واحد المصرية الله اكتر خيرها زعمتني نتعامل معاها هيا ترسل ليا سلعة وانا نرسل ليها الفلوس ..قلت صافي هدي سهلة ..من جا المعقول متاع الفلوس مخلينا بنك مشينا ليه تيقولو لينا ممنوع العملة تاعنا تخرج ايست او مرضت عوتاني..وخا هكاك بقيت نبحت من تنقل ليهم فلان ارسل ليا الفلوس من دولة وحدة خرى تيعارضو ..المهم تقيت وحد الاخت الله اكتر ليها خيرها عندها صديقة ففرنسا او هيا بقات ترسل ليا الفلوس او قبت سلعة الحمد الله وقف معايا راجلي فديوانة او دوزتها او بعتها اوا من صاقو الخبار ولا لجا تيقلوليه طلع عند هدى تشوفو اش ولات تجيب من مصر او سعودية تعدفت راسي والله ..حيت من تيطلع عندي شي حد متنقدرش نكدب نقل معنديش او نقلب على شي وسيلة لا تنجبت كلشي اوا تيوليو العبو ليا فسلعة..تمرضت وليت درت بناقص(كيف تيقولو الحاجة المتبوعة متروكة)اواختكم عوتاني ملات دبا بنتي الحمد الله ولات شدى فراسها شويا..مشا راجلي قيدني

tpita(opérateur de saisie)
نهار الاتنين غدي نبدا اوخفت عوتاني ا شدني الملل..هو بغاني مسكين نشد ديبلوم على الاقل
هدشي علاش حطيت الموضوع باش توريوني كيفاش استمر في طريقي بلا ميئتر فيا حد
او سمحوليا على الاطالة لاني والله الى مليت من راسي

السلام عليكم
كيف دايرة الزين و كيدايرين الكتاكيت
اولا تبارك الله عليك عجبتيني و الله اخلي ليك راجلك و احفظو ربي من كل شر
انا من رأيي مادام نتي و راجلك متافقين مايهمك لا فلان ولا علان كملي و سدي عليك باب دارك
تانيا عندي اقتراح ادا ممكن علاش ماترحليش و تمشي لدارك بوحدك كانضن هاكا غادي ترتاحي اكتر

اختي انا كنت كيفك باش بديت نخدم تيقولو ليا كلسي في الدار قابلي ولدك راكي ما فيك صحة المهم خدمت و الحمد لله او داري مقابلاها كبحال اللي انا في الدار اللي بغيت نقولك انه الناس مبغينش يشوفوك واصلة او مستقلة ماديا بعض الناس سبحان الله دايما كيبغيوك تبقاي اللور ماشاء الله راجلك في جنبك هدا هو الشيئ اللي يهمك ام الباقي منضنش كوني حادكة او قادة او نشيطة متخلليهمش يشوفو اي نقط ضعف ديالك و الله المستعان

حمدي الله وشكريه فاش راجلك بجنبك ماشي بحالي سبع صنايع,,,,, راجلي من النوع اللي ما يزعم ما يشجع اما الناس دائما تهدر عمرك ما ترضيها وماتديها شي في حد والله يعطيك صحيحتك واحفض زوجك وولادك والى الامام الله اعاونك

اهلا الغزالة تاعي نورتيني ازين ربي خليك او خلي ليك وليداتك..
​والله مصخيت اختي نرحل غير كنسين وحد المؤسسة تخرج باش نتسلفو منها بلافائدة..مبغيناش نغضبو الله

بصح اختي عند الحق..غير الله اعينا على الناس الهدامة..
الحمد الله قديت كولشي او صبنت كولشي باش من نبدا متركمش عليا الشغل..وخا هكاك خايفة عوتاني من تنقرب نوصل او نمل او نعاود من نقطة الصفر

​ولله الحمد لا هو مسكين لبغيتو اعطيه ليا غير هد البشار لمقيتلو حل..شكرا احبيبة والله اسعدك

متخفيش اختي ربي معاك