كيفاش نخيط بالمكينة

السلام عليكم انيقاتي را عارفة كثرت في الاسئلة ولكن ماعندي من غيركم عفاكم الى ماقولو لي ظƒظٹظپط§ط´ ظ†ط®ظٹط· ط¨ط§ظ„ظ…ظƒظٹظ†ط© خطوط مستقيمة را كتبقا تهرب لي وكتمشي عوجة وكتزرب فما تنقدرش ظ†ط®ظٹط· بيها مزيان تاتجي الخياطة كلها ديفويات فعفاكم قولو لي ظƒظٹظپط§ط´ تعلمتو تخيطو واش خاص غي الممارسة ولا انا اللي مكلخة لهاد الدرجة هههه مع العلم اني عندي المكينة شي شهر دابا وباقي ماكنصيبش ولا حتى خط مستقيم وراه جربت نبدل الحجم ديال الغرز من 1 الى 5 وكلهم صعاب 1 اللي كتجيني شوية ساهلة ولكن مع دلك كتزرب بزاف ومكنتحكمش فيها
عندي مكينة جوكي كبيرة فحال ديال الخياطة زعمت وشريتها وبغيت ندرب
الله يجازيكم بخير وخصوصا اختي ام ريان وكوثر اللي وراتني بعدا كيف نخدمها لحقاش وحلت في الاول غي مع الخيوط
وشكرا

---

;dtha kod’ fhgl;dkm

نفس التساول

سطري بقلم خطوط طويلة وكثيرة فورقة وحاولي تجيبي فوقها ليبرة .وبلا خيط عنداك بلا مالديري الخيط فليبرة عاودي وعاودي حتى تدربي .الى ممكن نسولك شحال شريتي الماكينة ؟

شكرا اختي على الرد ديالك را جربت هاد الطريقة كتصدق فاش تنكون دايرا الخطوط ولكن فاش كنبغي نجرب في شي توب في الجنب ديالو مثلا فحال نكففو كتبقا المكينة تلعب بي والمشكلة كتزرب بزاف مع اني كنحيد رجلي من على الدواسة فيسع يا كتزرب يا توقف
المكينة اختي شريتها جديدة ب2500 درهم اي 50 الف ريال فحال هاد النوع

عزيزتي اولا راه خاصك الصبر ماشي من الاول غادي تقادي الخطوطة
وملي ياله بديتي غادي نعطيك طريقة لكايتبعوها فالمدارس الخاصة بالخياطة
اول حاجة خاصك تعرفي الماكنة وتعرفك هههههههههه زوينة هادي زعما تعرفي امتا غاتمشي بشوية وامتا غاتزربي
حيدي الابرة وخدمي الماكنة ووقبل ماضغطي على البدال حركي الراس الماكنة لعندك وضغطي على البيدال غادي يولي يمشي بشوية
2- ملي تمكني من هاد الخطة كتنديرو الخطوة الثانية لهيا الكاغط كاتسطري خطوط مستقيمية فالورقة كلها يعني ماشي ديري 2 خطوطة وتقولي باركا عليا هههههههههههه وملي دوزي الخطوطة غاديري خطوطة مالين ومن بعد ديري دوائر حتى تولي عندك هاد العملية ساهلة وعاد تاتمري للثوب كاديري طروفة وتعاودي فيهم نفس الخطوط الاولين خطوطة مقادين من بعد مايلين من بعد مربع ومن بعد مثلث وعاد الدائرة اخر حاجة لانها شوية صعيبة

السلام عليكم مبروك عليك أختي كلشي كيوقع ليه بحالك تبعي خطوات المشرفة جزاها الله خيرا وميكون غير الخير غير هي مني تجلسي فالمكينة تكوني متابعاك حتى حاجة وغير بشوية عليك حتى تتعلمي نصيحة لكل أخت مهما بلغ تعليمها فأي مجال حبذا لو احيينا هذه القكرة أه فكل بيت تكون ٱلة الخياطة بحال زمان الله يسر أمر أختنا والمسلمين

شكرا ليك اختي ام سومية الله يجازيك بخير را عندك الحق انا ما كنصبرش بزاف ولكن بغيت نتعلم والمشكل انها كتزرب بزاف وفاش كنسطر خطوط را كايمشيو مزيان مع انها زربانة ولكن فاش تتوصل للحاجة اللي بصح خاصها تخيط تتولي دير تموجات حيتاش ماتنحكمش فيها خاصني نعود نعطيها العصا باش تعرفني مزيان هههههههههه انطبق اشنو قلتي لي وان شاء الله تسهل معايا ونجي نصدعك كل مرة بباترون جديد
شكرا لك مرة اخرى

شكرا اختي على الرد ديالك را كان تيسحاب لي غي نشريها ونبدا نبدع في مجال الخياطة ههههه واول مرة جربتها فشلاتني ولكن انا وراها والزمن طويل يا بي يا بيها هههه

اختي حاولي انك تشدي الثوب بيديك اليسرى من ورا الصباط ويدك اليمنى قدام الصباط باش تتحكمي فالثوب وما يبقاش يهرب ليك وغير بشوية عليك ان شاء الله تتعلمي ويبقى هادشي غير تعاويد الله يوفقك وحيدي البرا وبداي تتعلمي فالبيدال حتى تولي تتحكمي فيها باش ما تبقاي تزربي ويهرب ليك الثوب الله يوفقك وراه الاصرار على التعلم غادي يخليك تولي مبدعة ان شاء الله

بغيت نسول اشمن نمرة كتخيطو للبلدي مثلا