كيفاش نجمد البسطيلة

أخواتي الله يجازيكوم بخير عندي واحد المناسبة وبغيت نوجد البسطيلات ديال الدجاج على بكري ونحيدوم عليا واش كيبقاو مزيانين ربما المناسبة تكون فأخر شهر 4 بحول الله وبغيت نعرف واش نطيبوم طياب كامل ونعملوم فكونخيلادوروفهاد الحالة نخليهوم حتى يبردوا مزيان عاد ندخلوم أولا غير يدفاو ؟ اوغير نعدلوم بلا طياب ونجمدوم وحتى نهار المناسبة عاد ندخلوم
وشكرا مسبقا على الرد

---

;dtha k[l] hgfs’dgm ,dgd

وجديهم الحبيبة بحال الى غادي طيبيهم و دخليهم للكونجيلاتور حتى نهار تكون عنك المناسبة و جبديهم و دخليهم للفرن ما تخافي والو راه كتبقى مزيانة
نتمنى نكون افدتك

السلام عليكم ورحمة الله وبركاته
أختي وجديهم و حطهوم فالمجمد بلا طياب و نهار تحتاجوم جبدوم بليلة قبل المناسبة و بيتهوم فالثلاجة العادية باش يدكنجلاو على خاطرم و باش الثلج ما يرجعشي عليهم بالماء و يطيبوم في الغد عادي و هادي طريقتي و عن تجربة
الله يعاونك أختي

اكيد فدتيني الزين بارك الله فيك وشكرا على الرد والإهتمام

اللهم أمين المزيونة الله يحازيك بخير على الرد بارك الله فيك

أختي كيف ما قالو ليك الأنيقات لكن عندي إضافه مهمة و هي فرقي بين كل بسطيلة و بسطيلة بسيلوفان أو ديك لميكات رقاق ديال الطبالي يكون أحسن إلا كنتي غديري وحده فوق وحدة فكونجيلاتور باش ميلسقوش على بعضهم و تحل ليك البسطيلة و الله يوفقك

أمين الزين شكرا بزاااااااااف على المعلومة المهمة أنا كنت غادي نلوي كل بسطيلة فبابيي ألومنيوم ولكن حتى الطريقة ديالك مزيانة وعندي ديك ميكات جيبتوم معايا من المغرب