كوكتيل الفريز والحامض منعش ولديد

الصراحة فكرة هاد الكوكتيل جاتني غير بالصدفة ولأنني من عشاق أي حاجة فيها طبقات كنت جربت عصيرواحد الأخت الله يجازيها بالخير فيه حامضة وحدة جا كيحمق وقلت علاش ما نجربو في ظƒظˆظƒطھظٹظ„ والحمد لله ربي ماحشمنيش وعجب اللي شربوه كلهم فقلت علاش مانتشاركوش مع الأنيقات ونستافدو كاملين طولت عليكم واقيلة هههه ندخلو للمعقول
حامضة تكون كبيرة شوية
200g سكر اللي ماكتعجبهاش الحلاوة بزاف تنقص
لتر ما
250g فريز
بنانة
أول حاجة كنقطعو الحامضة طروفة كبارشوية نزيدو عليها السكر ونخليوها تطلق الما ديالها منبعد كنطحنوها مع نص لتر ما نصفيوها ونزيدو عليها نص لتر ما آخر نطحنو مزيان نخويو في كيسان التقديم ونخليو كاس كبيرديال العصير نزيدو عليه البنانة والفريز ونطحنو مزيان نكبوه غير بشوية على عصير الحامض وها الكوكتيل ديالنا واجد ظ…ظ†ط¹ط´ واقتصادي ولدييييييييد
هاهو عن قرب

---

;,;jdg hgtvd. ,hgphlq lkua ,g]d]

شهيتيني فيه الله يعطيك الصحه
غير هو بغيت نشير لواحد الحاجه لي فيها الحساسيه يقدر يضرها
انا واحد النهار الواليده دارت عصير الحامض و الفريز مخلطين و جا وآاعر
لكن الليل كامل وانا نحك فجنابي، دار ليا الحساسيه، وسبحان الله فاش نشرب كل حاجه بحدها متيوقع ليا والو غير ايلا خلطتهم

الله يعطيك الصحة و يخليلك بنيتاتك

شكرا أختي حيث شرتي لهاد النقطة عندك الحق اللي فيه الحساسية مايشربوهش ولكن مافيها باس يبرعو بيه وليداتهم أو ضيافهم وينبهوهوم أو لا لا هههه شكرا الفنون لمرورك العطر وما يكون عندك باس

آمين يارب ويخليلك ماعزيز عليك الفنون لهلا يخطيك

بارك الله فيك أحبيبة شكرا بزاف

الله يعطيك الصحة

آمين يارب ويخليليك صحيحتك أختي

اتبارك الله اعليك