كن خاص لمستمعى القناة المغربية

*البني المائل للاحمر:
-10 ملاعق حنه.
-3 ملاعق خل التفاح.
-عصير حامضة.
-2 معالق قهوة.
نفس الطريقة الاولى.

*الكستنائي:
-10 ملاعق حنه.
-3 ملاعق خل التفاح.
– عصير حامضة.
-كاس مغلي البابونج.
نفس الطريقة

*الاشقر:
-10 ملاعق حنا.
-عصير 2 حامضات
-3 ملاعق خرقوم
-ملعقة خل التفاح.
-2 كيسان ماء دافئ.
نفس الطريقة السابقة.المهم انو الهليط مايكونش لا جاري ولا عاقد باش اسهال عليك تطليه لشعرك.

2-وصفات للجسم والوجه:

*ازالة سواد الركب والاكواع:
-2 ملاعق كبار بودرة الحليب (نيدو).
-ملعقة صغيرة شبه مطحونة.
-عصر حامضة.
تتخلط جميع العناصر حتى تتولي بحال كريمة وتنديوه معانا للحمام وتيتطلى بيهم الاماكن المراد تبييضها لمدة 10 دقايق وبدون استعمال الماء تنزولوه بحركات دائرية على شكل كوماج حتى تيزول الخليط.

*العنق:
في بعض الاحيان ملي تنلبسو شي سلسلة نتاع الذهب او الفضة او البلاكيور مع المده تتخلي لينا السواد والكحولية في العنق وباش تزولي داك السواد تديري:
-ملعقة صغيرة اوكسجين 30 درجة (يجب شراؤه من الصيدلية)
-بياض بيضة واحده.
تنخلطو العناصر وتنطليو بيه العنق بالفرشاة ولكن على محيط العنق فقط من دون الوصول الى الوجه.
تنخليوه حتى ينشف ونعاودو نطليوه مره اخرى وتنخليوه ربع ساعة ومن بعد تيتغسل العنق بطريقة عادية.

*الكلف العميق للوجه:
-2 ملاعق زيت الزنجلان.
-2 جنين القمح.
-2 ملاعق النشا.
-2 بياض البيض.
الطريقة :
تنخلطو العناصر في زلافة ولكن خاصها تكون دالبديع او الزاج متكونش بلاستيك او معدن. ونديروه للوجه لمده نصف ساعة .وهاد الوصفة تدار 3 مرات في الاسبوع.ويمكن لينا نحتفظو بيها في الثلاجة لمدة اسبوع بلا ماتخسر.

3-وصفات طبخ ونصائح منزلية:

*كاشير سريع:
-4بيضات.
-2 فرماجات.
-ضامة البقر محكوكة.
-كاس زيت.
-كاس طحين فورص.
-2 معالق صغار كمون.
-2 معالق ربيع مقطع رقيق (قزبور+معدنوس).
-2 فصوص ثومة محكوكة.
تنخلطو المواد كلها ونخليو الطحين حتى التالي عاد تنزيدوه.من بعد كنديروه في بلاستيك غذائي ونلويوه ونعقدوه على 2 جوايه اي بحال شكل كاشير الحانوت ونديروه فكوكوت فيها الما لمدة 15 دقيقة.

*السفة دالروز:
الا باغا توجدي سفة دالروز و مافيك مايفور كاديري هاد الطريقة:كاديري فكوكوت زلافة دالروز بجوج زلايف دالما مع
معلقة الزبدة وملح ونسدو عليهم الكوكوت ونحسبو 10 دقايق من بعد تصفيرة الكوكوت ونطفيو عليها ونخليوها 30 دقيقة مسدوده بالصفارة ديالها بلا مانقيسوها من بعد حلي عليها و هالروز ديالك وجد وخا تحسبي الحبات دياولو.

*فرشاة ورقة البسطيلة:
ملي كاتساليو من تصياب الورقة دالبسطيلة العجينة تتبقى لينا فالشيتة ومتاتبغيش تحيد منها اش ديري هزي ديك الشيته ورقديها فماء دافئ الي زدنا ليه شوية الخل.ومن بعد تتغسل بكل سهولة.

*الماريو دلحوايج :
الا كنتي تتخملي او باغا تبدلي ديكور بيت النعاس ديلك وجاك الماريو ثقيل ومابغاش اتجر ليك.هزي بطاطا قطعيها دواور وديريهم تحت رجلين الماريو وغادي اتجر ليك بكل سهولة.

*لمقاومة النمل في البيت :
تنهزو اوراق النعناع ونرميوهم في البلاصة فاش تيكون النمل.

*طبعة الصدا فالحوايج:
كنرشو الطبعة بالملح من بعد تانحكوها بطريف الحامض عاد تنصبنوها عادي .وتتكون بحال الا عمرو ماكان فيها الصدا.

*المسكة فالحوايج:
الطريقة1:مكعب الثلج تندوزوه عليها وملي تقساح نزولوها عادي.
الطريقة2: تنلبسو القفازات ونرشو المسكة بمبيد الحشرات وتنزولوها عادي حتى هي.

*اش يجيك الخبز محمر:
قبل مانديروه فالفران تندهنو وجهو بالما وتيجي محمر وزوين.

*وصفة لصحاب الرجيم:
تنشدو تفاحة وتنسلقوها بقشورها فشوية ديال الما ونديروها فالطحان الكهربائي مع 1 يوغورت مسوس و شوية القرفة و ملعقة زنجلان ونطحنوهم.هاد الوصفة تتجي بحل شكل حساء عاقد وهي مزيانه للعشا وتتشبع.

;k ohw glsjlun hgrkhm hglyvfdm