كلاص بالحامض

Oum Hedayah
20-6-2019

السلام عليكم و رحمة الله و بركاته
جبتلكم واحد لكلاص ساهل ماهل كنت خديتو من رشيدة مهاوش و زدت عليه بعض الاضافات

المقادير

علبة كريم شانتي
علبة حليب مركز نيسلي أو بيرسيمي (لي مكيبغيش الحلاوة بزاف)
كاس صغير عصير حامض
رابعة حليب
نصف ملعقة صغيرة روح الحامض (اختياري)
2 ملاعق كبار شكلاط غبرة

نخلطو ا لشانتي مع الحليب حتى تتضاعف ونحطوها في الثلاجة تبرد شوية

نخلطو بريسمي مع 2 ملاعق كبار سكر صقيل (نيسلي بلا ما ضيفولو سكر)

و نضيفو الحامض ونخلطو حتى يمتزج الخليط

نخلطو الخليط آلاول لي كان في الثلاجة مع الثاني

و نقسموه ل ثلاث اقسام واحد زدت عليه شكلاط غبرة و ثاني روح الحامض و الثالث خليتو عادي

و درتو في علبة و دخلتو المجمد يبات ليلة كاملة

هذا الشكل النهائي زينتو بموس د الشكلاط

نتمى يعجبكم

---

;ghw fhgphlq

ـبارك الله عليك

كولشي على باسينةالخضرا ديال الحاج ابراهيم هههههههههههههه

تبارك الله عليك اكىتي و الله يعطيك الصحة
احسن تقييم مع الاعجاب
هذا رابط فيه كيفية تصغير الصور اختي و كدلك كيفاش تكتبي اسمك عليهم
https://www.anaqamaghribia.com/vb/sho…873&highlight=
تبارك الله عليك مرة اخرى

هههههههههههههههههههههههههه
الله يبارك فيك ابنت الحاج ابراهيم

شكرا اختي على التقييم و على الرابط

شكرا بزاف الأخت الصيف ذاخل نشاء الله وغنحتاجو لهاذ الكلاص الله يعطيك الصحة

الله يبارك فيك اختي
عندك الصح في الصيف هادشي ماينفع

اتبارك الله اعليك اختي
احسن تقييك

تبارك الله عليك أختي الله يعطيك الصحة

had chi zwiin bazaf o bghit njarbo walakin lmochkila ma3andich hadak lbateur wach momkin ikhraj ghir b molinex 3adii????