كعب غزال اول تجربة ليا ههه اكيد بالصور

مقادير العجين:
2 زلايف كبار من الدقيق -2 معلق كبار سنيدة (انا درت السكر صقيل) -8 معالق كبار من ماء الزهر-كاس صغير و ربع من الزبدة تكون مذوبة و مصفية -شوية الملح-راس معلقة صغير من المسكة الحرة -قليل من الماء البارد

مقادير العقدة:
1 كلغ من اللوز المسلوق منقي -زلافة و نصف سكر سنيدة-كاس صغير من الزبدة مذوبة و مصفية -نصف كيس صغير من المسكة الحرة مدقوقة -8 معالق كبار من ماء الزهر .
الطريقة
نبداو بالعقدة نطحن اللوزمع السكر سنيدة في المطحنة حتى يولي لين و نخلطه مع المسكة الحرة و الزبدة و ماء الزهر حتى نحصل على عقدة اللوز ..ندلكوها باش نشكلو منها صبيعات .
دابا العجينة..نخلطو الدقيق مع الملح و السكر و المسكة الحرة انا درتها معاهم و نضيفو الزبدة نفركوهم بين ايدينا شوية عاد نضيفو ماء الزهر و القليل من الماء حتى تجمع العجينة و ندلكها مزيان حتى تولي لينة و نقسموها كويرات و نخليها ترتاح في شي كيس بلاستيكي . منين نقادو الكعيبات ديالنا كنتكوهم بالابرة و ندهنهم بالزبدة و خليهم ليلة كاملة في الصباح نعود نتكهم و ندخلهم يطيبو 5 دقايق و نخرجهم ندهنهم ببياض البيض و نرجعهم حتى يتذهب اللون ديالهم.
ايوا المراحل مع الصور…نتمنى يعجبكم الكعب ديالي …زعما كعب الغزال هههههه

;uf y.hg >>h,g j[vfm gdh iii h;d] fhgw,v h,g u.hx