كزيما في الاذن

السلام عليكم
خوتاتي هذي عام تقريبا و نا كنعاني من ظƒط²ظٹظ…ط§ الاذن. مرتين ونا كندوز عند اطباء مختصين و المشكل كنت حاملة و دبا كنرضع يعني كيعطيوني غي تقطيرة. ولكن للأسف مكنحش بتحسن كنبقا نحك نحك فوذني حتى كتقيح و خصوصا بالليل اما في النهار كنقدر نتحكم فراسي شوية داكشي باش معمرهم غيبراو لي. عافاكم الأنيقات راني كنكتب ليكم و عيني فيهم الدموع الى مقولو لي شي حل باش ابراو لي و ايضا كيفاش منبقاش نحكهم ونا ناعسة. الله اجازيكم بخير

---

;.dlh td hgh`k

اختي شوفي ياك ما شي حشرة ديال الليل كتاكل ليك ودنك وكدير ليك حساسية وكتحكي انا اختي ناضت ليا فصبعي وتعجبت ملي قلبت لقيت البق كاين فالدار وبليل كيعضني تصوري كنحك حتى كينوضو نفاخات فيهم الما وملي نحك نحك لبلاصة لي برات كتنحك جهة اخرى وهي كتنتشر فصبعي كلو ولا صبعي مكمش وفيه ندبات لكن الحمدلله دابا شويا برا غير تكماش لي بقا مع حاربت الحشرات ممكن ما تكونش كزيما هدا احتمال وارد

عن طريق : samsung – GT-S5282

شكرا حبيبتي على الرد . ماشي الحشرة. حيت بوحدي فالدار للي عندي المشكل و جاني بسباب كوتون تيج كنت نستعملو بزاف و دبا ودني مابغاوش ابراو. كون كانت حشرة غتقرسني حتى فبلايص خرين

والو حتى وحدة من الأنيقات معاناتش من هاد المرض او عارفة كي نداويه ؟

سلام عليك اختي ما تخافي ما والو حيت حتى انا كانت عندي الكزيما في ودني وانا مكنتش عارفة كانت ودني كتاكلني و نبقى نحك فيها شوية هية تسد ليا في مرة مبقيتش كنسمع بيها انا منكدبش عليك تخلعت قلت مع راسي صافي مشات ليا الودن وانا نمشي عند طبيب اختصاصي الادن و الحنجرة قلبها ليا قالي مكين باس غير راها عندك الكزيما في ودنك عطاني واحاد التقطيرة نديرها مدة 3 ايام باش ترطب ليا ودني و قال لي نرجع عندو باش يغسل ليا ودني و هاداك شي لي درت تبعت التقطيرة ومشيت عندو غسل ليا ودني و نضفها مزيان و جبد منها قشرة و قيح اعزك الله و عطاني وحاد البومادة ديال الكزيما سميتها توبسين جيل تبعتها ونحمد الله من تما برات لي ودني ونتمنى نكون فدتك والله يجيك ليك الشفاء وللعلم حتا انا كنت كنرضع في وقتها

شكرا ختي. حتى انا غسلتهم جوج المرات ولكن بدون جدوى و طبيب الاول عطاني ديك توبسين و تقطيرة ولكن مشكلتي باليل كنحكهم و مكنخليهمش ابراوق

السلام عليك اختي لاباس عليك الله يشافيك انقول ليك شي دوا كديرو وحد لبنت من العائلة
1 لفتة محكوكة و تعصريها وتقطري داك الماء ففي الاذن
2 الشيبة و الزيت العود تسخنيهم و تقطريرفي الاذن
دعي معاي اختي راني حتا انا عيانة شوية الحمد لله

نسيت مقلتش ليك هد البنت قالت لي غير الصداع في الاذن هي معرفاش واش يصلح لكزيمة ولا لا انا قلت نفيدك باللي عرفت

اختي عليك ببوماد اسمها CLENIDERM
ثمنها 20 درهم
ديريها في cotton tige وداوي بيها الاذن ديالك

الله اجازيك بخير. الله اعفو عليك