كرواصة الوريدة من مطبخي بالصور

السلام عليكم ورحمة الله وبركاته

جبت ليكم اليوم واحد الكرواصة رووووعة فالمذاق و الشكل

كنحتاجو ليها :
نص كيلو فورص
كاس سنيدة
شوية الملح
الخميرة دالخبز (معلقة)
فاني
الماء باش نجمعو العجينة
الزيت و الزبدة للتوراق (الزبدة دايبة)

كنجمعو العجينة و ندلكوها مزيان ونخليوها تخمر من بعد كنديرو كويرات صغار كنرشو عليهم شوية الخليط ديال الزيت و الزبدة وكنبداو نطلقو الكويرات وحنا كنرشو بالزيت و الزبدة كنلويوها كبحال الشنيك وكنعقدو ها بلا منزيرو العقدة تبقا مرخوفة وكنلويوعلى الجناب ديال العقدة باش كتجي على شكل وريدة كنحطوهم فالطاوة و نباعدوهم باش ما يتلاصقوش كنخليوها تخمر وكندهنوها باصفر البيض وشو ية الحليب وكنرشوه بسنيدة وكنزينوها من الوسط اما بقطعة شكلاط او شوية الكوفيتير

والى الفرن كتجي زوينة غجربوها كنتمنى تعجبكم و بالصحة والراحة.

---

;v,hwm hg,vd]m lk l’fod fhgw,v hg,v]dm

تبارك الله عليك حتى أنا كنعمل نفس الطريقة غير ماشي نفس المقادير و كتجي غزالة في المنظر الله يعطيك الصحة

تبارك الله عليك…شكرا

بارك الله فيك اختي شكرا على مرورك الطيب

مابغاوش ينزلولي الصور فقصوني من صباح وانا مدابزة معاهم و والو وا ش بغاو ينزلو الا شي اخت قدرت تعاوني الله يحفضها

تبارك الله عليك
حتى انا كنصيبها كتجي زوينة

شكرا على مرورك بارك الله فيك

بارك الله فيك الزين فين وصلتي مع الريجيم الا طاح شي كويلو عافاك الام عطيه ليا راني محتاجاه هههه

شكرا على مرورك بارك الله فيك

تبارك الله عليك اختي