السلام عليكم ورحمة الله وبركاته
سمحوا لي نعاود ليك قصتي تعرف على واحد السيد فالانترنيت لاقتيني بيه واحج صاحبتي قاليها باغي شي وحدة لي يثيق فيها ويكمل معاها حياتوا وصاحبتي قاتليه انا مواعدة واحد السيد بالزواج قاليها راكي بحال اختي راتعرفي شي بنت انا مستعدة ظ†ط¯ظٹط± اللازم ووفعلا تعرفت على السيد وكان بيناتنا اتصال فالفايس يوماين كان تعارف عادي ومحترم مرة مرة يدخل بحكم الخدمة ديالو يقول يجي عيان للدار وميفتحش الفايس ويدخل للانترنيت يدير لي بغا,انا ثيقت والمرة الثالثة قال لي راني رتاحيت ليك وتبادلنا نمرة التيلفون ولكن قلت ليه مغاديش يكون بيناتنا اي اتصال بالصوت ,فقط الى كان شي حاجة ضرورية قلها لي فميساج وافق ومن تمااك واحد نهار فرمضان يلاه وذن المغرب سيفط لي ميساج يقول لي بصحة فطورك كانت اول رسالة واستمرات الرسائل مرة مرة ومكاينش شي حاجة لي خايبة كلام محترم ودبا راه اتفقنا امتى نتلقاو باش يمكن نهدرو ونتعارفو اكثر ولكن هنا ,السيد غادي يغبر مغاديش يبقا يبان دابا راه اليوم 4 مشفتوش وحتى ميساج ماسيفطو وخا سيفطت ليه ميساج مجاوبنيش ودبا خفت يكون واقعة ليها شي حاجة ومرة نقول راه غي يتفلا وراه يقدر يكون ممسوقش لي وهو من خلال هدرتو معايا كان بيناتنا توافق بزاف دلحاجات وشحل من مرة كنا نهدرو كثر من اربع ساعات ولكن في اطار الاحترام والتعارف وتبادل الاراء والافكار وهو انسان عادي ماشي متدين يصلي صلاتو فوقتها وقال لي باغي يدخل شهر 9 يحفظ القران والله تعالى اعلم ,دبا انا بغيت نعرف واض هذا تصرف عادي منو انو ميستوقش لي او لا يقدر تكون واقعة ليها شي حاجة ,يعني مفيها باس لعيطت عليه ؟؟نزيدكم حاجة هو ملي سولني امتى نتلقاو ونهدرو قلت ليه نجي مع صاحبتي وهو فالاول وافق وفي التالي علاش تجيبيها تانا نجيب صاحبي وهي شنو غادي تحسب لينا اي كلمة نقولوها وقلت ليه لازم محرم وقالي محرم راجل جيبي خوك احسن ,ومن بعد قالي لكنت تجي يصحبتك نجي نيشان لداركم ولبغينا نتناقشو فشي حاجة ناقشوها فالانترنيت ….
r,g,h gd hak,,,, k]dv r,lkh
مكينش إتصال عادي وتبادل أفكار وحوار ……. راه غي شيطان تيزين لك اش تدري وكتعطي مبررات لراسك راه حرام حرام حرام تكلمي واحد أجنبي عليك
لبغي زواج تيجي نيشان لباب دار مشي من البنيقة
المشاركة الأصلية كتبت بواسطة marwamaria 
جزاك الله خيرا اختي على تفاعلك ,صح بعض المرات تتجينا وساوس الشيطان ..يارب ثبتني واياكن ياارب
واش بقا متيقة انه واحد من النت النهار الاول يقولك غا نتزوج بيك و تيقتيه
احنا في هاد الزمن العجيب الواحد تاتعرفيه و من العائلة بعض المرات و تايخرج منه العجب حساك واحد غا في النت
اختي ما تعيطي ليه ما والو
هدا باين الله اعلم آش كان غا يدير كون شافك، ياك تاتهضروا ديما بالسوايع و مالو ما يتفاهم معاك في داكشي اللي بغا في النت و لا ضروري يشوفك
هاد المرة الا قالك غا نشوفك قولي ليه غا نجي انا و ماما و شوفي آش غا يقول
هدا غا قلتي ليه مع صاحبتي و تبدل و غبر مالو آش بغا يقول اللي صاحبتك غا تحسب هضرتو
ابنتي فيقي شوية اللي بغاك يجي لباب الدار حتى يخطبك و لا يهضر عالاقل مع الوالد ديالك ارا ما يتفاهم و زايدون الهضرة في داكشي غا تكون مع باباك فاش غا يتفاهم معاك
انا هادشي بانلي فيه الدغل هربي بجلدك احبيبتي
هادا راه من شياطين الإنس الله يهديه
ما تعيطي ليه ما والو هو اللي يعيط ليك و الا قالك مالك ما سولتي قولي شي سبة كنت مريضة ما كنتش مسالية
و الاهم ما تمشيش تقابليه بوحدك