قنوات الاناشيد الاسلامية للأطفال . دعوة للنقاش

السلام عليكن أخواتي. أكيد الكثير منا تترك ابنها او ابنتها أمام التلفاز بعض الوقت باش يتلهاو و كنعملولوم قناة طيور الجنة او اي قناة اخرى فيها ط§ظ„ط§ظ†ط§ط´ظٹط¯ الخاصة بالاطفال, و انا من هاد الفئة المذكورة. و مؤخرا لقيت فتاوى كتحرم مشاهدة هاد القنوات لأن فيها المعازف و كتحبب الأطفال فالموسيقى, هذا من جانب, و من جانب اخر سمعت بان كاينة دراسة كتقول بأن ترك الطفل امام شاشة التلفاز طويلا كيأثر على الدماغ ديالو حيت كيبقى مركز بزاف فيه و فعلا لاحظت بان طفلي ذو الأربعة اشهر ملي كنشعل التلفاز كيبقا مركز فيه عينو و مكيبقاش ينتبه لما يدور حوله. شنو رأيكم أنيقاتي فهاد الشي و كيفاش نقدرو نخليو أطفالنا يستمتعو و يتلهاو بلا منتجاوزو حدود الشرع و بلا منأذيوهم فالصحة ديالهم

---

rk,hj hghkhad] hghsghldm ggH’thg>>> ]u,m ggkrha ggH’thg

فعلا الأطفال مخصهومش يبقاوا وقت طويل أمام التلفزة لأن خاصهوم يتحركوا ويتفاعلوا ماشي غير يتلقاوا والتلفزة مفيهاش تفعل هذا من جهة من جهة أخرى يمكن الفتوى فيها جانب من الصح لأن الإكثار من مشاهدة هاد القنوات غادي تخلي الأطفال غير جالسين وكيدندنوا بداكشي اللي كيسمعوا ممكن يشاهدوها ولكن في حدود هذا رأيي والله أعلم

السلام عليكم انا فاش تتفيق بنتي تندير ليها القران ومن بعد كنخدم ليها اذاعة طيوربيبي بدون موسيقى

شكرا على مشاركتك اختي, هو الصراحة كيلهيهم و كيخليونا نعملو الشغل على خاطرنا ههه و لكن كيفما قلتي خصو يكون فحدود و مخصناش ننساوهم قدام التلفاز و نقلبو غير على راحتنا على حسابهم. هادوك امانة فعنقنا و سنسأل عنهم. الله يجازيك بخير

و عليكم السلام اختي. تبارك الله عليك كتسمعا القران من الصغر باش تحبو و مزياانة هاد القضية اللي كتعمل ديال انك كتحيد الموسيقى فكرتيني فيها, حتى انا اليوم شغلت اذاعة طيور بيبي بدون موسيقى احسن من ديك الايقاعات كيهرسولنا الراس. شكرا على مداخلتك