قرب عرسك و تالفة مع التحضيرات .دخلي .حتا انا بحالك هههه "الجزء الثاني"

السلام عليكم ورحمة الله تعالى وبركاته

أنا وحدة من العريسات التلفانات،ماعندي ختي معندي بنت عمتي ولا خالتي اللي تعاوني وتهون عليا. قلت نشوف اخواتاتي فالمنتدى على الله يوقفو معايا ويعاونوني ف هاد تامارة اللي أنا فيها.
أنا عندي العرس في شهر11 إن شاء الله،ولكن باقي ماحددنا شمن يوم بالضبط حيت راجلي برا المغرب وكيقول هيجي بعد العيد وممحددشي فوقاش بالضبط وانا متلوفة ماعارفة مانعمل، عباد الله كيعربنو على عام وانا باقيلي شهرين وباقا ماعارفة منين نبدا.
وعاد تامرة ديال الشوار،عام ونص وانا نشور فالحوايج د الصيف وفالاخر هو هيجي حتى نالبداية دالشتى.داباهيقولولي شهنعمل فهاد العرارم دالحوايج،ومنين هنجيب أخرين شتويين.
مكرهتشي الأخوات اللي معانا فالمنتدى ينصحوني شهنعمل فهاد الشي باش نكملكم البقية د حريرتي.

شكرا اختي nice-women على اهتمامك بالموضوع ديالي، واسمحلي حيت تأخرت عليك ف الرد ،كنت مشغولة عاد ساليت.
بالنسبة لتحديد اليوم فهادي هي أكبر مشكلة عندي حيت راجلي عندو شي ضروف فالخدمة ديالو وف السكنة ومعرفشي فوقاش هتحل.
بالإضافة للفيزا باقا ماوجدت والناس كلاولي وجهي كيقولولي كيفاش هتعمل العرس قبل ماتوجد الفيزا،زايديني هم على هم.

الله يرحم والديك مللي نبهتيني للقضية دالحلوى كنت ناسياها.خصني نحاول هاد الأيام نسول على الأثمنة. أما بالنسبة للطباخة ماشي مشكل عندنا 1 الطباخة فالعائلة.وبالنسبة للقاعة كنضن بلاش حيت مهنعرطشي الناس بالزاف وفالغالب هنعملو غير ف الدار، حيت كلما اتزاد بنادم كلما اتزادت الفتنة وانا ماعندي اللي يقابللي وينضم.
بالنسبة للشوار،عملت 2 قفيطنات بلا حزام للدار وجلابة وحدة بالقميص، وعملت 1 القميص خفيف للدار، ومعملتشي التكاشط. آه وعملت 1 القفطان ابيط مطروز ديال الحنة، وشريت 2 شرابل 1 نقري أو 1 دهبي على حساب القاعدة دالحنة ديالنا.معرفتشي واش هاد الشي كافي ولا لا بالنسبة للبلدي.