في اسبوعي التاسع والوحم قتلني

السلام عليكن حيباتي

عااافاكم انا حاملة في ط§ط³ط¨ظˆط¹ظٹ ط§ظ„طھط§ط³ط¹ ظˆط§ظ„ظˆط­ظ… ظ‚طھظ„ظ†ظٹ ديما خاطري خاسرة وديما مرارة في حلقي ولساني وافرازات لعاب دائمة
اما الارهاق والسخفة فحدث ولا حرج
الله يجازيكم بخير كيفاش نخفف هاد الشي شي دوا او شي اكل معين كرهت راسي راه حتى ريحة الطياب كتقلب ليا مصارني وتحيب ليا القيء

---

td hsf,ud hgjhsu ,hg,pl rjgkd

غير صبري اختي دابا يفوتك الوحم
الله يكمل عليك بالخير

فكرتيني في أيام الوحم أنا كنسيمه الموت البطيء الله يجعلها مغفرة للذنوب أنا كنت تنشوف شميشة تطيب و نوض نرض أعزك الله الماكلة كرهتها و راجلي مسكين كان يأكل على برة كنت نقولو منحملش الثلاجة تكون فيها شي حاجة
عانيت بزاف مخليت حتى شي دوا كيخفف ساعة والو و غير دخلت في الشهر الرابع بدى كينقص شوية حتى وليت مزيانة غير صبري و الله يفرحك بشوفت وليدك سليم و معافى

أختي غير الصبر ماعندك مادري كاع دازت علينا الله يجعلها مغفرة الذنوب أنا كولشي كرهتو طياب الثلاجة كنعيفها ندخل كزينة نبغي نموت كلشي نشم فيه الريحة راجلي كايجيب ماكلة غير من برا وكنقولو متكلش قدامي كيدخل كزينة ويسد عليه حتى مرض مسكين مكتجيش ماكلة ديال برا حيت عندو قرحة فالمعدة وشرجم ديما مفتوح واخا سم ديال البرد المهم كرهت كولشي والبكا نقيل نبكي تقول غير كيقتلو فيا بلعصا كتجيني هستيرية وكنبغي نطج من الدار نحس بحالي مخنوقة غادي عمري تخرج أختي غير صبري وصافي راه الوحم كيحمق ولكن فيه أجر أنا قريب ندخل شهر الرابع

والحمد الله بديت نحس بتحسن الله يخف عليك الحبيبة

والله احبيباتي ايلا القهرة الله يخفف علينا اما راجلي مسكين خليتو في مراكش وجيت لدارنا في اكادير حيت مبقيتش كنحمل ريحة الدار النهار كلو في الجردة وفاش ندخل غير نشم ريحتها نتقيا

سبحان الله كل واحد و حالو انا حاملة في الأسبوع التاسع بحالك و الحمد لله مكاين حتى تغيير لا ردان لا دوخة لا والو و لله الحمد بعد المرات تنقول محال واش حاملة هههه
الله يفرج عليك و يدوز الوحم علی خير

الله يدومها عليك نعمة احبيبتي ويفكك على خير

سبحان الله بحال إلا كتهضري عليا الله يفرج علينا عاجلا غير آجل
أنا حتى من ولدي مسكين سمحت فيه منبغيش ريحتو غي باباه للي مقابلو مكنطيب مكاندير ولو غي راجلي كيشقا عليا الله يسمحلي منو تكرفصت عليه مسكين حتى من ريحة الشمبوان والجيل دوش محملاهاش وحتى أنا فالأسبوع التاسع عاد آلم الاسنان قهرني قهرني و معندو دوا قاتلي طبيبة