كلنا ما خلينا ما جربنا باش نقضيوا على هاد النحافة
كل وحدة فينا و عندها مشاكل في جسمها و باغ تغيرها و كل وحدة منا بلا شك عندها ميزات كثيرة في جسمها و باغ تحافظ عليها
أنا كنشوف ان الرياضة غتساعدنا إلى جانب الخلطات و الوصفات باش نحاربوا هاد النحافة و ماشي غير نحاربوها فقط بل نحصلوا على جسم متناسق
مثلا انا الي قلت له راني طولي 1.65 و وزني 62 إلى 65 حسب نفسيتي تيقول لي راكي ماشي نحيفة
اوك ماشي نحيفة و لكن المظهر ديالي نحيف إذن فين عندي المشكيل
المشاكيـــــــل
اول شي ما عنديش الكتاف يعني كتافي نازلين بالتالي دائما كنحتاج ليزيبول
ثاني شي ما عنديش الصدر يعني الحجم دياله صغير مما كيظطرني لاستعمال البونج
ثال شي معنديش المؤخرة و الارداف هي راجل و خلاص هههههههههه
المزايا ديال الجسم ديالي :
ساقين و فخدين مملوئين
خدود مملوئة و للاسف فين ما نستعمل شي وصفة هما الاولين كيسبقوني هما و الكرش
دراعين مملوئين و ماعنديش العظام بازرة حتى في شي جزء من جسمي مع ذلك المظهر العام ديالي نحيف
إذن يالبنات كل وحدة فينا تحط المزايا و المساوئ ديال الجسم ديالها و نعطيوا النصيحة لبعضنا باش نحصلوا على جسم متناسق
بالنسبة للجسم ديالي باش يوليوا عندي الكتاف كيخصني ندير السباحة
الي كتعرف شي نادي نسائي للسباحة في الدار البيضاء تخبرني الله يجازيها بخير و لكن ميكونش مختلط مع الرجال
كنتظر التفاعل ديالكم و كنتمنى كل وحدة حاليا تقول اش كتدير من برنامج لزيادة الوزن
بالنسة لي البرنامج اليومي هو :
* وصفة الحلبة و الشريحة
* قويلبات تكبير المؤخرة
* رياضة الصدر و الارداف في البيت
* سيروا بيرفيتال لفتح الشهية
* شرب الماء المنقوع فيه عشبة السالمية لتكبير الصدر (طبعا هذي خلطات اول مرة نجربها غنوافيكم بالتغييرات الى كانت شي تغييرات)
البنات الي عندها شي اقتراح او اضافة متبخلش علينا
و جمعة مباركة و سنة سعيدة و كل عام و انتم بخير و بطوطات و حميمات و كلشي
المهم البنات الي عجبها الموضوع تسجل اسمها في الصفحة و نشكلوا فريق نحو جسم ممتلئ و متناسق ابتداء من اليوم اخر يوم في السنة الميلادية.
tgjk/l Ygd ;g hgkpdthj Ygn
ها واحد النحيفة معاكم في هذا التجمع ههههه
الوزن نتاعي 58.950 تقريبا 59
الطول نتاعي 1.66
المشكيييييييييييييييييييييييييييييييييييييييييل لي عندي هو ( اهئ اهئ اهئ )
الصدر وما ادراك ما الصدر صدري صغيييور بزااااااااااااااااااااااااااااااااف والو مبغايش يتهدى ويخرج من بلاصتو ويبرز شي شوية
من الفوق ضيعة شوية يعني تقريبا كل الوزن كاين متمركز في الجهة السفلية
مزيا الجسم نتاعي هي :
مؤخرة أعزكم الله – فخدين وساقين ممتلئين خدود مملوؤة
الوصفة لي كنعمل دابة هي سيريلاك و صوجا وزنجلان
وغذا غادية نبدا الوصفة الرائعة نتاع الشريحة
الهدف المنشود هو نعمر من الفورك وصدري يكبر شي شوية
شكرااااااااااااااااااااا جزيلا غاليتي و أميرتي ألماسة79 على الطرح الجميل النابع من قلب طيب
أتمنى أن تقبلي مروري ولكي مني أجمل و أرقى و أزكى عبارات التقدير والاحترام
راني حالفة على هاد الرق ما يبقا راني كنحاربه من كل النواحي
كنشوف المشكيل عندك اختي غير في الصدر (و راه مشكيل صعيب سوليني انا) و كنصحك بالرياضة طبعا الرياضة ما كتزيدش في هرمون الانوثة و لكن كتقوي العضلة تحت الصدر باش على الاقل تهز الصدر شوية
و خصوصا لبسنا التقليدي تيبغي الصدر المهم اختي سجلي المقاس ديال صدرك و استمري في الخلطة الي كتستعملي و الى كاين شي ازدياد واخا غير شي ملمترات خبرينا باش ننضموا ليك
اضيف انا قلت في البرنامج ديالي اني كندير قويلبات تكبير المؤخرة
اضيف لمعلومات الجميع انهم صنع منزلي يعني كنصنعهم بنفسي و يالله بديتهم و مازال خايفة منهم و لا انصح اي اخت انها تشريهم من شي بلاصة
لأن العطارين كيخلطوهم بداك الويل ديال دردك و اوراديكسون الي كيديروا الماء في المؤخرة الله ينجينا و ينجيكم
إذن حاليا الفريق فيه :
1 – الماسة 79
2 – فخورة بطهارتي
من ينظم للفريق؟؟؟؟؟
لأن المشكيل عندي فير في الصدر
اختي ماكاينش شيحاجة ما عندهاش حل غير احنا باقين ما جيناش في الوصفة الي غتفيدنا يعني كا وحدة فينا تجرب وصفة و الي استافدت من شي وصفة تخبر الاخوات
دمتي بود حبيبتي
انا يا اختي كنت غادية نجرب زيت الحبة ولكن العديد من الاخوات في المنتدى نصحوني بالابتعاد عنه
كنتمى نقلى الحل في أقرب وقت ممكن
شكرا لكي غاليتي مرة ثانية ولكي من أجمل تحية
المهم انا دابا مزروبة حتى الغدا ونعاودلكم المعانات ديالي مع هاد النحافة الي مابغات تفرقني هههههههههههه
والله العظيم الا قلبي محروق بغيت نغلاض حيت ضعيفة بزااااااااااااااااااااااااف الطول 1.69 والوزن 51
كاريثة غير طبيعية هههههه
الحمد لله على كل حال
يالا نخاليكم الغد ان شاء الله
يعني كتشاركينا نفس المشكيل
مرحبا بيك في الفريق ما نخرجوا من هاد الصفحة ان شاء الله حتى نوليوا منفوخات انثويات راحنا غير نصف انثى
اصبح الفريق الان :
الماسة 79
فخورة بطهارتي و ما اجمله من اسم اختي
zanzona
من ينظم للفريق؟؟؟
عندك تبارك الله ماشاء الله طاي مانكان
عرفتي كون كنتي في الخارج بلا ما تخدمي تخلصي غير على لاطاي
في اوربا انتي عملة نادرة و مرغوبة
في المغرب راك كارثة طبيعية مكذبتيش
العرب عزيز عليهم الحاجة الكثيرة
المهم خليك معانا و الجماعة كتغلب السبع
الفريق الان :
الماسة 79
فخورة بطهارتي
zanzona
rajaaaaaaaaa
ننتظر المزيييييييييد