19/11/2019
السلام عليكم ورحمة الله تعالى وبركاته
اش خباركم يا أحلى أنيقات نتمنا تكونو كلكم بألف خير
ليوم بغيت نشارك معاكم بهاد الفطيرة ساهلة وبنينة وكتنفع للعشاء نبداو بسم الله
المقادير :
عجين 10 دقائق ( ماصورتوش لأن الكل تبارك الله كيعرف ليه )
بصلة مشلضة + 1 حبة فلفل أحمر + 2 حبات جزر محكوك
2 فصوص توم + كمية من الكفتة + باكية شعرية صينية
زيتون أخضر + الربيع + ملح + بزار + تحميرة +
قليل من السودانية والهريسة + زيت الزيتون + صلصة الصوجا
الطريقة :
نشحر التوم و البصل حتى يدبل ونضيف ليه الفلفلة والجزر
ومن بعد الكفتة
تم الشعرية والتوابل والزيتون
ونخلط الكل مزيان حتى طيب الحشوة ونخليها على جنب تبرد
من بعد ناخد قالب الفرن نسرح فيه العجين تم الحشوة تم نزينها
من الفوق على شكل شبك أو نغطيها بالعجين على شكل خبزة وندهنا بالحليب
وندخلها للفرن حتى طيب وهدا شكلها النهائي
وبالصحة والراحة
ولا تنسوني من صالح دعائكم بضهر الغيب
t’dvm lpa,m fhg;tjm ,hgoqv >>>>>>>> fhgw,v lp.km
أحلى تقييم
أختي الله يعطيك الصحة
أحلى تقييم
المشاركة الأصلية كتبت بواسطة زوجة رمضان 
الله يبارك فيك حبيبتي شكرا لك على التتبيت والتقييم والمرور الكريم
المشاركة الأصلية كتبت بواسطة أم ملاك أماني الله يبارك فعمرك الحبيبة ديالي نورتيني مشكووووورة
المشاركة الأصلية كتبت بواسطة بسمة الأمل أحلى تقييم
شكرا لك حبيبتي على المرور العطر وعلى التقييم