السلام عليكم هادي أول مشاركة ليا عاونوني الله يسهل ليكم ما صعاب….
شنو كتدي معاها ط§ظ„ط¹ط±ظˆط³ط© في الفطور؟
t’,v hguv,sm
اختي الفطور تايجي فيه شوارك اللي وجدتي وشنو الكادويات الي جاوك فالعرس كاين اللي تايجيب ديكشي فالطيافر بالدقايقية وعيساوة ولا تايجي ديكشي مستور يعني عائلتك اللي تايجيبوا ليك ديكشي صباح العرس لدارك
وتايجيبوا بسطيلة وحلويات و حليب وتمر وكلها تاني والعادة دياله
راني معارفا والو بما أني أول وحدا غتزوج فالدار و بحكم المسافة لي بيني و بين راجلي معرفناش شنو نشريو و اشنو ندديو معانا و أشنو كتدي معاها العروسة النهار اللول
يختلف فطور لعروسة من منطقة لأخرى ولكن أهم حاجة لي ماخصكش تنسيها هيا هدية لحماتك و شيخك ممكن تخدي تفصيلة ديال تكشيطة لحماتك ولا ديال جلابة و شيخك حتا هوا تفصيلة ديال جلابة حيت هاد الهدية هيا اهم حاجة فالفطور بالخصوص لا كان رجلك من عائلة كتشبت و كتمسك بالعادات فكوني مأكدة غادي تكون هادي حاجة ضرورية و إلا بغيتي تخدي حتا الخوتو شي حوايج معاك رمزية مشي مشكيل مديتيش ليهوم ماشي مشكيل حيت واليديه هوما الأهم
اما لفطور ماماك و العائلة غادي يجيبو ليك شوارك لي واجتي يعني طرز و حويجك و الهدايا لي جاواك نهار العرس و شي شكييلات ديال الحلوى أما بنسبا لينا حنا فكنديو المحنشة ديال لوز ضرورية و ممكن تخدي غير محنشات صغار كيجيو زوينين فالمظر و قتصادين شوية أما إلا كان دار رجلك بعاد على داركوم ماشي نفس المدينة كنضن والله اعلم ماتحتجيش تدي المكلة يهني دجاج تايب حيت معا هاد صهد كيف غدي يوصل
كنتمن نكون فدتك ولاو غير واحد فالمية أو ولابد تكون عندكوم عادات ديالكوم ممكن تبعيها
نصيحة مني ليك لوجه الله أول حاجة متخليش كلشي حتا يقراب العرس كلشي حيديه قبل باش الأسبوع ديال العرس تكوني مرتاحة ويلا بقات شيحاجة تكون قليلة ماشي نتي عروسة ومازالة كدوري فالزناقي
ثاني حاجة لله يكمل كلشي على خير وبذرية الصالحة و الله يتبت الغرس وصبر الحياة زوجية كتبغي بزآآآآآآآآآاف ديال صبر وعين شافت و عين ماشافت معا كلشي ومتهضري فحد معا حد وكلشي عليك بتيقار المحبة لكتيرة فلأول ممزياناش خليك طبيعية معا كلشي سمعي وشوفي كثر متهضري وهادي غير نصيحة متقتل متحيي
حيات زوجية سعيدة