فطور العروس

السلام عليكن أخواتي عرسي يوم السبت الجي بغيتكم تدعيو معايا و عقبال لي باقى متزوجت .الله إجازيكم بخير فدوني ما عرفتش أش نديلر فالفطور لي غادي يجيبو مالين دارنا لي فراسها شي حاجة تكولها لي .

---

t’,v hguv,s

اختي الله يكمل بالخير و الف مبروك بالدرية الصالحة ان شاء الله
الله يسعدك و يدوز ليلتك كيف تتمناي
اختي بالنسبة للفطور راه كل واحد و العادة دياو
انا جابو ليا الحويجات للي موجدة الجهاز ديالي للي موجدة انا ماشي للي جاب ليا الرجل
و الحلوى و الديسير و الكادويات للي جاوني فالعرس
وكاين للي تيدي معاه الماكلة الدجاج و اللحم طايبين باش يوكل اهل العريس للي تيتسناوهم و الله يكمل بالخير

شكرا أختي والله إسعدك في حياتك الزوجية

متمنياتي لك بالتوفيق انشاء الله، غالبا اختي الكريمة تكتفي العائلات المغربية بما هو من صنع يدهم وليس البتي بان والكرواصان، مثلا الرغايف والملاوي والحلويات، والبيض المسلوق، اللوز والكرعاع والتمر، والغذاء او العشاء والخبز والديسير اذا كان في المستطاع، والكادوات والدهاز اللي شريتي

أنا قلتليها على الفطور آختي و كل جهة و باش كاتميز وما خاصش الإنسان يكون مزمت على رأي واحد اللي كايعرفو، راه المغرب كبييييير تبارك الله و كل جهة و تقاليدها أنا مهم قلت للأخت الشي اللي كاين عندنا و هي اللي تختار اللي تاخدو و اللي ماتاخدوش

اختي مريم لوليتا لم تقصد ان تتزمت في رايها هي غير وضحات ليك العادة ديالها وعندك الصح اختي كل بلاصة وعائلة عندها التقاليد ديالها الله يكمل على كل الاخوات بخير

اختي hak_magh الله يكمل عليك بخير الاخوات قالو ووفاو تمنياتي لك بالسعادة في الدارين

الله يكمل عليك بخير اختي لي كنعرف انا ولي ف عاداتنا هو
الجهاز اللي شريتي وفيه متلا الربايع ديال اتاي المانطات ليزور المطروزين لاناب
الكادويات اللي جاوك
ممكن يجيبو البيض المسلوق والشباكية وبلاطويات منوعة ديال الحلوة وكاين اللي كيدير حتى الغدا دجاج او بسطيلة
ماما مسكينة جابت لي مضمة ديال النقرة مفاجاة المهم كل واحد وجهدو والاهم هو التاويل والديكور ولي اهم منهم كاملين هو طلبي الله ييسر ليك الامور وتكون الحياة مريحة والله يفرحك