فضلا وليس أمرا :::الأنيقات واحد الدقيقة من فضلكن

السلام عليكم
بغيت نقول ليكم ما بيني وبين الزاز غير الخير والاحسان، داكشي علاش جيتكم اليوم ان شاء الله باش تفهموني وتعاونوني بالشي اللي كتعرفوه

خويا شرالي ظˆط§ط­ط¯ اللعيبة كيصاوبو بيها الشعر معرفتش سميتها ، ولكن بحال هدي

1-بغيت نعرف واش غير هادي كافية ولا خاصني ضروري معاها السيشوار ؟؟؟؟
الصراحة بيني و بينكم ماعرفاش حتى لاش كيصلاح السيشوار مادابيكم تفيدوني لاش كيصلاح
(دايرة الحجاب، ولكن مافيها باس نتعلمو، بعدا حتى إيلا جا شي نهار نكونو معلمين ولا لا؟؟؟ هههه)

2- وصاني خويا الى كنت باغية شي حاجة نقولهالو ، وانا بغيت نستغل الفرصة ونقولو يجيبلي آلة براون ، ومعرفتش واش مزيانة ولالا ،،، انا الى استعملتها غادي نستعملها غير الرجلين والفخذين اما المنطقة على ما سمعت ماشي مزيانة لهاديك لبلاصة
انا كنسمع غير ببراون وحتى الى كانت شي ماركة مزيانة واحسن قولولي عليها

كنتمنى من اي اخت واخا تكون عندها شي مساعدة ولو بسيطة تفيدني بيها ختكم راها رمانة مبلعة و مجمكة هههههه

والله يرزقكم ما تمناو

---

tqgh ,gds Hlvh :::hgHkdrhj ,hp] hg]rdrm lk tqg;k hgHkdrhj hgprdrm

ههههههههههههه ضحكتيني رمانه مبلعة ومجمكه زيديني عليك هي اللعيبة كيما قلتي كتبان زوينة في تصفيف الشعر ولو انك ديرا الحجابه صاوبي شعرك لنفسك اولا لا

انسة حنان ،، شكرا على ردك الزوين، ايه الزين قلت دايرة الحجاب غير باش نتفادى تجي شي اخت و تقولي حرام تزيني وتخرجي على برا ، سعا معبرني حد ههههه

الله يخليك ديما ضاحكة اختي ، ايه اختي والله الى كاينين شي حوايج ساهلين ومكنفهمش فيهم، تقول معايشاش ف هاد زمان

فايتة 50 وحدة اللي دخلت و حتى وحدة مجاوباتني، بغيتوني نبقى مجمكة، وشعري يبقى مشعكك

هههههه ضحكتيني
حبيبتي هاد لعيبة عاندك زوينا فيها عدة مزايا علا حد معرفتي
la plaque
كاتشدي خصلات من شعر وديريهوم فيها ونتي كاتهبطي حتا كايتسرح وهاكدا حتا تسالي شعرك كولو
بنسبة للعيبا تانيا وتالتا وحتا لخمسا babélizeغير كول واحد وشكل ديالو
وبنسبا لعيبا رابعا لي دايرا بحال لمشطة
فاش كاتبرونشيها كادور بوححدها ويمكلكي تحكمي ف السرعة ديالها وراها بحال الشيشوار كاتمشطي بيها شعرك وكايتسررح
وبصحتك الحبيبا راها غزالا يلا عرافتي تستاعمليها

الله اكبر ،أول مساعدة هههههههه خاصني نعطيك الجائزة ههههههه
عرفتي راه غير لقيتها فالنت ، الله اعلم واش بحالها ولالا حيت مزال مسيفطهالي ، ولكن حتى مساعدتك راها غادي تفيدني نهار تجيني بيبيليز هاكدا سميتها ههههه (سبحان الله مكنشبه كاع لبنات هههه)

يعني بلا نشري سيشوار غير هي كافية ،الله يعطيك الخير ولخمير يا ختي عربية حرة ونيت راك حرة غرة

ومزال اختي واحد السؤال الى غرفتي تساعديني الله يجازيك ، على ماكينة براون واش مزيانة ولالا ، وحتى الى كانت شي ماركة احسن فيديني بيها

والله يرزقك اختي من حيث لا تحتسبين والله يخليك ديما ضاحكة

علا راس ولعين الحبيبة لي تقالت عليك خفافت علينا
كيف قلتلك هادي جامعا كولشي كاتبقاي غير تبدلي ف داك ريوس وصافي
وساهلا ماتحتاجيش لي يعاونكي .تصاوبي غير بوحدك ماعرفك حد هههههه
وشكرا علا دعيوات راني محتاجاهوم الله يسعدك وينور ليك طريق
سميتو بابيليز ههههههههه ضحكتيني كلامك كلو عسل
وبنسبا l braun
راها غزالا غير زعمي عليها مانصحكش ب ماركات اخرين
انا راها عندي braun l rose
غير ردي بالكي كاينين لي مزورين ديال شنوا ونفس لماركا. خوديها ملبلايس لموثوق فيهوم
يلا كان خاك غيجيبالكي من الاحسن ياخدهالكي من سوبير مارشي كايعتيو حتا الضمانة بحال carréfour
و اي استفسار مرحبا ب خيتي

لهلا يخطيك اختي
والله يخليك ديما ضاحكة الزين، ايوا راك عارفة عاد كنتهجا ف علوم الأناقة و الجمال هههههه
لا اودي ماشي انا اللي غدي نشريها ، دبا نصيفط ميساج لخويا باش يجيبهالي غوز

يمكن غادي نعيق عليك ، نقدر نستعملها لفخادي ، ختك راها معزة من وجهي حتي لرجلي ههههههه وحتى صباع رجلي فيهم شعر ههههه
وااا لعجب راسي اللي خاص يكون في الشعر عندي صلع شوية هههههه كتنطبق عليا هديك غزارة في الانتاج وسوء في التوزيع ، هاديك هي انا هههههههههه

ايه قتلك غدي نصدعك شوية ولكن يا ربي تستحملي هاد الأمية ف زمن الألفية،،، بخصوص براون مكرهتكش تفيديني ولو القليل من خبرتك ما دامها عندك، حيت واخا غدي يصيفط هالي اختك زركة فالفرانسوية ،اللهم تفهمنيني بالعربية باش نفهم شوية ، ايوا عنداكي تجري عليا

والله يجازيك بيخير ، ويرزقك الزوج الصالح الى كنت مزالة مادة يديك للحنة ، و الى كنتي ف قفص الزوجية الله يرزقك الذرية الصالحة والى كانو عندك الله يصلحهم ليك ويرزقك كل ما تمناي

نسيت بغيت نقولك واش بحال هدي ياك
يعني واش فيها غير موس واحد ولا كيكونو بزااف

اييه ازين ديريها فكولش إلا وجهك ولمنطقة لحساسة
وراها كاتخفف شعر كايولي ينوض علا مودا وخفيييييييييف
بنسبا لستعمال ديالها
كاتبرنشيها عادي ف ضو ههههه
وكاتبقاي تحكمي ف سرعة ديال داك نتاتف لبلاصة لي فيها شعر بزاف ديريها ف اقصى سرعة ولي فيها غ خفيف ديري غير لمتوسطة
وبصحتك مسبقا

اييه بحال هادي لي فصورا

سمعا وطاعا ….
لهلا يخطيك والله يكثر من امثالك ويجازيك باش كتمناي