اخواتي الانيقات السلام عليكم
اللي ولدو على سلامتكم واللي مازال الله يعطيكم وايانا شي وقفة ساهلة والمحرومات الله يرزقكم بالذرية الصالحة عاجلا غير اجل يا رب العالمين
المهم هد اليامات كلما جلست حدا البيسي كنقلب على مواضيع على الولادة والطلق …واتار انتباهي خلطات وبرامج خاصة بفترة ط§ظ„ظ†ظپط§ط³ منتشرة فالمنتديات العربية والخليجية بالخصوص وهدشي اللي خلاني نفكر علاش حتى حنا منطرحوش هد الموضوع فالمنتدى الرائع ديالنا باش نستافدو من بعضياتنا ونستغلو هد الفترة -النفاس-على احسن وجه نتمنى الفكرة تعجبكم وتفاعلو معاها 
tjvm hgkths =gjul hgthz]m gjul
عارفة هد الفكرة غدي تجيكم فشكل ولكن الحمد لله هي اللي درت فولاداتي اللولين ووجهي تيرجع كيما كان فسيمانة او جوج بلا ماسكات ولا برودوي
الحاجة التانية ملي تنجي للدار الوالدة كتجيب دجاجة بليقامة ديالها كتصلقها وكتعطيني زلافة من داك الما فاش تصلقات نشربو قاليك مزيان للحليب والله اعلم
وكل صباح كنفطر بحليب مع حب الرشاد وكنضيف الحلبة للماكلة ديالي ….وفهديك 40 يوم كل مرة قبل ماندوش ندير الحنا لشعري ولجسمي كامل
هدشي اللي كنعرف نتمنى الاخوات يزيدو يفيدونا بوصفات طبيعية للجسم ولتكتير الحليب وبغيت الى امكن وصفات تساعد الرحم يرجع لطبيعتو وتحمينا من البرد والهواء اللي تيكون فيه
ونسيت نقول كل صباح تفطري بدشيشة مزيانة للحليب وتشربي الما بكترة
أ باش مايامشيش لحليب حسك تبعدي من لحامض أ ليحرر العصير أنا كالوهالي هن فأ طبيب .
قالتلي لوالدة أ اكوزتي حسك تهزم كرشك 40 يوم بنسبة لوالدة normal .إوا هادشي ليكانعراف أنتما لهوات يفيدونا
و الشربة ديال الحمام بالعشوب تايسخنوا حتى هما لازم النفيسة تشربها
هادي اللي عارفة و اكيد غادي نستافد معاكم لاني ماجية فالطريق ان شاء الله
المشاركة الأصلية كتبت بواسطة المشتاقة لطه 
امين اختي
بالحق راني عاد بديت باااقي عليا الحال هههه
ضيك الوصفة ديال الحليب سمعتها عند خالت راجلي كالت ليا الماكلة الي تيسبقوليها كتخذ منها ودهن بيها الكلف وسبحان الله تيمشي.
المشاركة الأصلية كتبت بواسطة amouna24 الف مبروك احبيبة الله يخلي ليك القمورة وتشوفيها عروسة بالنسبة للوصفات كنظن تقدري ديريهم مازال عندك الوقت حاولي تستغليه باش ترجعي كيلول واحسن ان شاء الله