غـريبتي البلدية بطريقتين ومن مطبخـ سـميـرة ـي بالصور كالعادة :

المقادير :

500 غ دقيق
1 كاس ص زيت
1/2 +1 كاس ص زبدة مدوبـة
قبصـة الملح
100 غ سكر صقيل
2 م ك جنجلان محمر
1 كيس خميـرة
* هادوا هم المقـادير ديال الوصفـة الأصلية ولكن كيف كتشوفو في صورة
المقادير كاين تصرف ههههه أنـا لا مازدت أو نقصت شـي
حـاجة مايهناش لي البال هههههههههههه
. في عوض كاس ونصف ديال الزبدة درت كاس واحد .
. زدت فيها يانسـون حبيبات وحكيتوا بين يدي بحال كيف كنديروا للكامون .
. وزدت واحد معلقـة ولى جوج ديال ماء الزهر ومرات كندير فاني .
. وواحد المعلقـة ديال القرفـة .
. ممكن تضيفي لها القليل من المكسرات مطحونة .

الطريـقـة :

ـ في إنـاء كنخلطوا الدقيق مع السكـر كلاصي ( هنا ضروري سكر خلاصي
أنا من ماكيكونش عندي كندير غير سنيدة عادية وماكتعطيشنفس النتيجـة كتجي
العجينـة مرمـلة ) + ومع الجلجلان والملح والمنسمات اللي ختارنا .
ـ نمزجـوا الزيت مع الزبـدة ثم نضيفوهم على النواشـف وحنـا كنجمعوا
العجين باليد بلاما ندلكهـا غير كنخلط ( كنأكد ماندلكهاش )
ـ من الأحسن تديري العجين( بلا خميرة ) وتحطيه في إنـاء وتغطيه وتخليه
يرتاح ليلـة كاملة في الثلاجة . ولكن ماشي ضروري ( أنا الصراحـة دايما
كنديروا ونطيبوا في ساعتوا ) .
ـ في اليوم التالي ضيفي على لاعجين الخميرة ودلكي حتى تحسي بيها
ندامجات مزيان مع الكل .
ـ صافي عملي غريباتك كوريها وسيفطيها هههههه ل … لا للفران ( دايمن كتسيؤوا الفهم ههههه )
وحاذري معاها راها دغيـا كتطيب والفران يكون مسخن قبل ولكن على درجة حرارة
متوسطة ..

والطريـقة الثـانية كنت أخدتهـا من عند واحد الأخت تبارك الله عليهـا والله يجازيها
ألف خيـر من منتدى آخـر ولما جربتهـا أصبحت تاهي في ريبيرطواري ههههه

المقادير :

500 دقيق
125 غ زبدة رخوة
كاس سكر كلاصي
نصف كاس زنجلان محمر
نصف كاس اللوز مطحون
ملح
م ص قرنفل
شكلاط فيرميسال

الطريقـة :

كتبسبس مزيان المقادير مع الزبدة ( بحال منين كبنغيووا نديروا الحرشـة أو في الصابلي ) وكنحليوها مغطاة مزايان فشي بول لمدة ليلة كاملة .

ـ في الغـذ كنزيدوا عليه نصف كاس زيت وخمارة وواحد الملعقة
صغيرة ديال الخميـرة معجونة ( ديال الخبز ) .

ـ شكليها كويرات مقادين وتديها تطيب وما خفاكم جميعا أن غريبات
غالبا كيبغوا الطياب من الفوق في الأول باش كتفتح وتعمل داك التشققات الغزالي اللي ڭاع تيعجوانا وعاد كتطيبيها من التحت مع
المقابلة الدائمة باش ماتحرق ليك .. وما تحيديها من الاطة حتى كتبرد
شوية .