غريبة بالكاجو راقية ولذيييذة جدا

السلام عليكن اخواتي
يا رب تكونو كلكم بخير
حبيت نتقاسم معاكم ليوم حلوة لغريبة, عجيبة فعلا بمذاقها وشكلها وكتجي هشيشة بزااااف.

نبداو مع,
***المقادير:
+100غ سمن او زبدة صافية (ساوضح فيما بعد كيف نصفي الزبدة)
+50غ سكر كلاصي
+120غ من حبات الكاجو محمرة في الفرن ومطحونة جيدا
+200غ طحين
+ملعقة صغيرة فاني
+1/4ملعقة صغيرة خميرة الحلوة
+60 حبة من الكاجو (سنحتاج ل نصف كيلو من الكاجو في هذه الوصفة)


***الطريقة:
نصفيو الزبدة هي الأولى, نذوبوها فكصرونة على عافية مهيييلة, منين ذوب نطفيو عليها ونخليوها خمس دقائق حتى تبان لينا الطبقات ب3, الطبقو الأولى الفوقانية اللي غنحيدو بالملعقة كما في الصورة, الطبقة الثانية اللي هي الزبدة الصافية والطبقة الثالثة اللي لونها ابيض حتا هي غنحيدوها.
منين نحيدو الطبقة الأولى بالملعقة, نجيبو جبانية ونبداو نخويو الزبة خوييط باش مينزلش معاها الحليب, وفاش يبقا لينا هير شوية ديال الزبدة مع الحليب فالكاسرونة, نبقاو ناخدو الزبدة فقط بالملعقة, وها الزبيدة ديالنا صافية ونقية.
نعملو الزبدة في الثلاجة لمدة نصف ساعة.
فهاد الأثناء نوجدو الطحين ونعملوه يسخن في مقلاة لمدة 2د مع التحريك المستمروبدون ميتغير لونو, ونخليوه يبرد على جنب.
منين يبرد الطحين مزيان, نضيفو ليه الفاني والخميرة والكاجو المطحون ونخلطوهم مزيان.
نجبدو الزبدة ديالنا ونضيفو ليها السكر كلاصي ونخلطوهم مزيان بالطراب الكهربائي لمدة 5د.
نضيفو الخليط الأول على الثاني حتى نحصلو على عجين, نعملو منو 20 كرة ونزينوهم ب 3كاجو ونبركوعليهم شويية باش يشبرو في العجين.
نعملوهم فلاطة بورق السيلفيريزي والى فرن ساخن على 180 درجة لمدة 20د.

عملتها فكويغطات حينت كتجي هشيشة بزاف

ملاحظة, راني بالدوخة درت ملعقة صغيرة خميرة الحلوة عوض ربع ملعقة, هي فالأصل مكتجيش مشقوقة كتجي ملسة, جربوها راها رائعة بزاااااف.
احتفظو بها في الثلاجة باش تشد راسها.
وبالصحة والراحة

yvdfm fhg;h[, vhrdm ,g`ddd`m []h