غديوة بپيتزا، طورطية البطاطس والكورجيت وخبيزات بالزرارع.

السلام عليكم اخواتي، ان شاء الله تكونو بيخير وعلى خير
بالنسبة للبيتزا درتها بعجينة ال10 دقائق، درت عليها صلصة البيتزا، فلفلة خضرة مشحرة مع بصلة. وطون.

بالنسبة للطورطية، صلقت 3 بطاطات ومعستهوم مع 2 فرماجات، معلقة زبدة، زدت ليهم ملح، ابزار، ومعدنوس وشويية دالطون، وسرحتها فمول مفرش بورق الومنيوم. ودرت فوقهوم كاشير محكوك وخليط كورجيتة مشحرة مع بصلة محكوكة+توابل+معدنوس ملي يتشحر الكل ويبرد نضيفو بيضة و شويية طون ونوضعو الكل فوق البطاطة لي فلمول. وندخلوه للفرن >>"يطيب غير من الفوق".

ليشاط من ط¹ط¬ظٹظ†ط© ال10 دقايق درت منو خبيزات، دهنتهوم بصفر البيض، ودردرت عليهوم زرارع (زنجلان، إيلان و نافع)

الشكل النهائي

نتمنى تعجبكم غديوتي، وشكرا على المتابعة.

---

y]d,m fپdj.hK ‘,v’dm hgf’h’s ,hg;,v[dj ,ofd.hj fhg.vhvu> fhg.vhvu u[dkm

مممممممممممممممم ياسلام تبارك الله

الله يعطيك الصحة احبيبة عندي ملاحظة هو الالومينيوم بلاش منو دهن المول و زولو خايب بزاف على الصحة
و شكرا بزاف على الوصفات غزالين

تبارك الله عليك

شكرا اختي، بارك الله فيك

اه احبيبة عندك الصح، غير هو انكي تدهني المول ماكافيش، مع البطاطا كاتلسق وماكاتبقاش شادا فراسها، ضروري ديري ورق الومنيوم او ورق الزبدة باش يتحيد من بعد بالمهل. بالإضافة ان الطورطية كاطيب غير من الفوق ودغية، غير طيب البيضة باش جمعنا الكورجيتة.
شكرا جزيلا على مرورك وعلى تذكيرك القيِّم بسلبية ورق الالومنيوم.

الله يبارك فيك اختي، شكرا جزيلا

الله يعطيك الصحة

أختي الله يعطيك الصحة درتي غي داكشي اللي تيعجبني ههههههه كون غي عرضتي عليا
تبارك الله عليك
احلى تقييم

الله يعطيك الصحة