عندي مشكيل مع الحريرة

سلام البنات أنا مبتديئة في طياب ط¹ظ†ط¯ظٹ ظ…ط´ظƒظٹظ„ مع ط§ظ„ط­ط±ظٹط±ط© كتخرجلي باسلة المقدير لي كندير هما 2 مطيشات محكوكين + بصلة محكوكة + قسبر معدنوس كرافص +اللحم+ حمص+ عدس +جلبانة يبسة+كنور +الملح+إبزار+ تحميرة+ سكنجير + القرفة + 7 معلق فرينة + نعناع الحر + 2 معلق مطيشة الحك وطريقة كنقلي طريفات اللحم في زيت أشوية زبدة نضيف البصلة و المطيشة والقزبر معدنوس كرافص نقلهم شوية ونضيف القطاني نقلي شوية ولعطرية وندير الما 1 لتر ملي يطيب نطرب دقيق مع مطيشة الحك وندور بها ونضيف كنور وشوية نعناع لحر واش هكا النات راه كتجلي باسلة معرفتش علاش

---

uk]d la;dg lu hgpvdvm

Hata wahda mab3at tgoli

اختي متخافي والو مع الممارسة تولي تطيري فيها هههه هانا نعطيك طريقتي الي عطاتهالي صحبتي من تما مبقيت استغنيت عليها وراجلي الي مكانش عندو مع الحريرة ولات تعجبو وحماتي وكلشي تيشكرها بفضل الله
تديري الحمص والعدس جهد زليفة صغيرة
معلقة ملح + نصف معلقة عامرة سكنجبير + نفس القدر خرقوم وابزار متكتريش
تتقطعي البطاطة وخيزو على زوج ومطيشة تلاتة حبات كبار وحمرين طايبين الحريرة تتبغي مطيشة باش تجي بنينة تكون غالبة
تحكي بصلة
الربيع والكرافس قبيطات صعار من كل حاجة و تكرديهم مزيااااااااان
السمن نصف نعلقة صغيرة الى كان تيعجبك
متشحري موالو زيدي الما وخليهم يطيبو مني يطيبو هزي الخضرة مع مطيشة طحنيهم وزيدي معاهم معلقة كبيرة او زوج طحين خلطيهم مزيان بحال كيف تدوريها ديما
ومطيشة الحك عملي مغلقة كبيرة فالما خلطيها وخوي كلشي فالحريرة ودوري عادي وزيدي شعرية او روز الي بغيتي وشي شوية
صافي نقصي عليها البوطة وخليها تدور حتى تشوفي الكشكوشة اختافات لان الطحين قليل دغيا يطيب
وقبل ماتطفي عليها فقصي فيها بيضة وحركيها
وبصحتك وراحتك راها تتجي هائلة بفضل ربي
بصحت ك مقدما الى عجباتك

تنتمنى اللى جربتيها وصدقات ليك تفرحيني هههههههه

راه عاد عدلتها هاد العشية هههه الصور باقة جديدة ههه

السلام عليكم

السلام عليكم و رحمة الله أختي أم وصال اش اخبارك تبارك الله عليك و على حريرتك الصراحة شهيتيني فيها و الله و فكرتيني فذكرياتي…
اممم قولي شكون هاد صاحبتك؟؟ياك ما أنا؟؟؟ههههههههه
الصراحة سبحان الله هادي هي طريقتي اللي كانصوب بهاحتى انا الحريرة و غير اختراع مني فقط ما وراهالي حد هههههههه كاين اختلاف واحد انا ماكنزيدش البيض فيها صافي
ايوا عطاك الله الصحة و سلمت يداك أحبيبة أم وصال
و كانقول لصاحبة الموضوع غيييير جربي هاد الطريقة و عينيك مغمضييين ما غاتندميييش عليها

شكرا بزاف حبيبة على التشجيع هههه
متنفضلش قدامك الزين هاد الطريقة عطاتهالي سلومي 21
والحمد لله جات واعرة واعتامدتها لانها تتوجد في ساع بلا منبقى نحك فمطيشة وزيد وزيد ههه
فيناهيا مولات الموضوع راه انا متاكدة الى جرباتها غادي تولي تعطي دروس فالحريرة بدلا من انها تجي باسلة ههههههههه

السلام عليكم عشت و شفت عمرني مسمعت بهد 2 طرق دبال الحريرة انا كزاوية حريرتنا مختالفا بزااااااااااااااف على هد 2 كندير الحمص مفسخ كتر من العدس حيت العدس حلو مكيخليش حريرة تجي حويمضة وزوييينة مهم حمص عدس قزبر معدنوس كرافص بلديين من الاحسن يصلة صغيورة مشلضة رقيقة معلقة مطيشة الحك معلقة سمن زيت ملح بزار سكنجبير خرقوم تقلي هدشي شوية وديري الماء عنداك تعمري الكوكوت لا غير شوية نص ساعة فهد الاتناء شدي مطيشة جهد نص كيلو غسليها قطعيها على 4 بجلدتها و ديريها فكسرونة زيدي الماء وخليها الطيب تحسي بيها طابت طحنيها بلا داك الما صافي حلي كوكوت برديها شوية بالماء متكتريش را على قد القوام جهد الماء مشي ديري كاس حمص وتعمري كوكوط ما لا عينك ميزانك مهيم برديها زيدي مطيشة معلقة وحدة خرى ديال مطيشة الحد وديري التدويرة ما و فورص كوبي شوية و هداي تاهيا را كشد بالممارسة مكتصدقش من الاول تاتكون تغلي عاد تعرفي قياسها لا جاب الله جاتك تقيلة زيدي الماء وديري الشعرية شوية وبقاي تحركي ونقصي البوطة ملي تحيد الكشكوشة البيضة من الفوق معناتو راه الدقيق طاب صافي و حريرتك ساهلة و لديييدة يتضرب بيها المتل جربي و ردي عليا

هههههههههه..و الله ايلا بالصح إن شاء الله تولي معلمة فالحريرة الله يوفقها
أختي أم وصال الله يكرمك و الله يجازي الأخت سلومي على الطريقة اللي عطاتك
فعلا أنا اللي خلاني نخترع هاد الطريقة هو العكز ههههههه حيت أنا كتعجبني الحريرة و نبغيها توجد دغيا دغيا و كانت تجي هاااائلة تبارك الله و حتى دارنا علمتهم هاد الطريقة و بداو يديرو بحالي خخخخخخخخخخ العكز و ما يدييييير ههههه

chokran bazaffff akid 3adi njarabha ila zad9atli zina nab9a dima ndirha chokran

salam kti chokran bazafff ta3rfi daba fhamat 3lach kanat tjili basla kanat ndir lma bazaffff lah ykalik golili b la3bar chhal dyal lma o chhal man m3il9a dyal farina bach mali njarabha ykon la9yas madbout