عندي طلب لمشرفات المنتدى الله يجازيكم بالخير

اختي ماعرفتس علاش هد الاهتمام الكبيييييير بكل هدالتفاصيل ؟؟؟؟؟؟؟

الا كان سبب دخولكم المنتديات بصفة عامة ومنتدى بصفة خاصة للافادة لوجه الله فعلاش غتقلقو راسكم وتعملومنه حكاية ؟ بالعكس هدشي راه خاصك تفرحي به احبيبة لانه بالنسبة لك ممكن يكون لك صدقة جارية عند رب العالمين ؟ ومدام العلي القدير تيعرف الحقيقة فين؟ فشنو تيهمك من امر الناس اعرفو صاحبة الموضوع الاصلي اولا ؟ مدام الثواب غيرجع لك وكل وحدة استافدت من اي وصفة من وصفاتك باذن الله يكون لك نصيب فيها وكل وحدة قامت بنشر موضوعك ولو حتى بنسبه لنفسها راه اجرك مغديش يضيع عند الله وهذا هو الاهمممممممممم بالنسبة لي انا شخصيا بعض المرت كنت نكتب اسمي على المواضيع ونلقاهم في منتدى اخر لكن من بعدقررت مانعاودش نكتب الاسم ونخليها لوجه الله لان هذا السبب الرئيسي لي تيخليني نتشجع ونتسجل في اكثرمن منتدى باش نفيد ونستفيد مع العلم انني ملي تننقل شي وصفة حتى ولو معليهاش الاسم ديال صاحبتها تنكتب منقووووووووووول باش مايضيعش علي نصيبي من الثواب لانه هي اصلا راه غيوصلها الثواب لو ربنا شاء حتى ولو ما ذكرتش الاسم

ثانيا احبيبة علاش تبهدليهم ؟ ربي سبحانه وتعالى امرنا بالتستر على اخواننا المسلمين فمن ستر مسلما ستره الله يوم القيامة

كان عليك لو ماقدرتيش تصبري تراسلي لي خذات منك المواضيع بالخاص وتشرحي لها وتنبهيها او من الاحسن تشكريها على انها ساعدت في نشر موضوعك على اساس انك صاحبته الاصلية وتخليها وينوبك ثواب

ساحميني الا كلمكتك هكا ولكن احبيبة بغيت نفهمك شئ يمكن غايب عليك او مارديش له البال لي هوخلي دخولك المنتديات ومحاولتك افادة غيرك عبره بما تعرفينه : من وصفة او نصيحة او راي …. خااااااااااااااااااااااااااااااااااااااالص لوجه الله وترجايه يقبل منك مجهودك ويجعله لك من الصدقات الجارية لي غتنفعك غدا :

اذا مات ابن ادم انقطع عمله الا من ثلاث : علم ينتفع به . ابن بار يدعو له . او صدقة جارية فشكون بحالك احبيبة الا قبل ربي منك كل اعمالك ولقيتيها غدا قدامك يوم لا ينفع مال ولا بنون الا من اتى الله بوجه حسن

صحيح من حقك تطالبي بكتابة الاسم على مواضيعك ومامن حق حتى واحد يمنعك او يلاحظ عليك لكن لانك اخت في الله حبيت نفهمك هدشي

حاولي تنساي لي فات وطلبي الله يتقبل اعمالك كلها لي تنشرات في المنتديات الاخرى وترجايه يزيد ينشر مواضيعك ويبلغك ثوابها في الدنيا والاخرة

وياااااااااااااااااااااااارب تقبل مننا جميعا صالح الاعمال واجعلها خاااااااااااااااااالصة لوجهك وتجاوز عنا سيئها