عندي الكلف في جبهتي و نواظري!!سعدوني اخواتي

---

uk]d hg;gt td [fijd , k,h/vd!!su],kd ho,hjd k,h/vdsu],kd

ana maandich clavier arabe donc j’écris en français
darori l’écran solaire wikoun anti taches , ex dépiwhite, wasfa diali hia 1/2 GC roz mathoune+1/2 GC zit argan kheltihom oudirihom 2 fois/semaine khlihom 10à15min, oughadi techri l’huile de bourache raha katbaa felparapharmacie , dehni biha, awla l’huiile de foie de morue htahia meziana

يا رب يشفيك ويجمل وجهك عزيزتي ليس لدي وصفة لكن وصفتي ليك الصلاة والدعاء بان يشفيكي الله وطالعي على الرقية الشرعية وبادن الله تشفينلا شفاء الا شفاء الله
الله يحميك ويحفظك حبيبة

أخت نرجس 82 كانت جارتي بحال حالتك ماخلت ما جربات لكن ملي دارت واحد الوصفة ولى أوجها بحال البلار هي كتحك صابون اديال او تاخد من معلقة كبيرة او معلقة كبيرة نيدو او معلقة صغيرة حلبة او تخالطهم الماء نتمنى نكون فدتك لكن ستمر 15 اليوم او سمحلي راه معنديش العربية ف pc غادة تلقاي أخطاء كتيرة غير سمحلي او دعي معايا ادى فدتك او أنا متأكدة غادة تفيدك بإن الله

اختي انا غادي معطيك الوصفة لي استعملت والحمد لله مبقاش فيا الكلف هادي 15 يوم
انا كان جاني الكلف ملي حملت وقالو ليا بلي مغاديش يحيد مني حتى نولد لكن ربي مكتابش اني نبقى حاملة وقع ليا اجهاض ولكن الكلف بقا فيا

الوصفة لي غادي نقول ليك خديتها من عند الاخت سردينا الله يجازيها بخير غير انا ضفت عليها شي حاجة من عندي

خودي خيارة بقشورها غسليها و قطعيها اضراف في مولنيكسو زيدي عليها حامضة بقشورها مقطعة صغيرة و زيدي اوراق المعدنوس و الماء ورد الكافي باش تطحني كلشي مزيان في مولينكس

خودي دوك المكعبات لي كنديرو فيهم الماء و ندخلوهم الفريكو عرفتيهم
غادي تاخديهم و تعمريهم بداك الخليط لي طحنتي و تدخليهم للفريكو يجمدو و بقاي كل يوم تاخدي مكعب منهم وتدوزيه على وجهك بطريقة دائرية حتى يدوب المكعب كلو في وجهك و خليه حتى ينشف تقريبا نصف ساعة او ساعة لي بغيتي عاد غسليه
انا مكنتش كنغسلوحيت كنت كنديرو في الليل ولما كينشف كنزولو غير بايدي و نخليه بلا منغسل وجهي حتى للصباح يعني كنحيد غير التفرتيت ديال الخيار و الحامض بلا غسيل حتى الغد ليه عاد كنغسلو عادي

والله اختي الى النتائج بانت من الاستعمال التاني و الكل لاحظ الفرق و راحلي هو لي نصحني اني نداوم على الوصفة و دابا الحمد لله مبقى فيا والو بالرغم من ان ملي دخل رمضان وجهي كان حالتو و دابا الحمد لله صفى ليا و بياضيت لاني كنت مسافرة و الشمس زادت كخلات ليا وجهي
الوصفة رائعة جدا و بقاي ديريها حتى 2 مرات في اليوم لانها طبعية و مافيهاش شي حاجة خايبة

الله يشافيك اختي و توافقك هاد الوصفة نتي بقاي تدوزي المكعب على البلايص لي فيها الكلف بزاف اكتر من باقي الوجه لي مافيه والو

عافاك اختي ادعي معايا ربي يعوضي بالحمل السليييييييم في هاد العواشر

شكرا لصاحبة الوصفة الاصلية سردينا

السلام عليكم و رحمة الله و بركاته و كل عام وانتم باالف خير.
جزاك لاالله خير اختي ام محمد يحيى على الوصفة .
بغيت نسولك اختي:
انا راه مازال بنت مامزوجش+عندي البشرة مخلطة:جافة و دهنية و سمعت في الاداعات تيحدروا من الحامض حيت تيقولو:الحامض تيبيض لوجه في الاول و من بعد تيكحلوا.
اختي وش غير نتوكل على ربي و نجرب الوصفة ديالك???
انا اختي راه معقدني وجهي خصوصا لتنمشي للعمل مع الزميلات في المدرسة كل واحدة تشوف فيا مزيان و تبقى تسول وتفلسف راك عارفة:لي ماخرج من هدا لاالدنيا ما خرج من عقيبها.
جزاك الله خيرا و احسن اليك.

نرجس82

اختي الوصفة راني جربتها حتى انا وجهي جاف و دهني
الحمد لله وافقاتني بزاف
حتى انا لما مشيت العمل ديالي و حتى انا في المدرسة الاستادات كلهم سولوني على السر ديالي و عطيتهم الوصفة باش يستعملوها قبل العييييييييييد
الى كانت عندك حساسية من الحامض بلاش منو وديري اوراق النعناع راه الاخت سردينا الله يفرحها عطاتنا وصفة ديال النعناع بنقس الطريقة
الله يسهل علييييييييك و يبيض وجهك وسعدك