عندي ألم في اسفل البطن معرفتش اسبابو

السلام عليكم ورحمة الله وبركاته
عندي ألم في ط§ط³ظپظ„ ط§ظ„ط¨ط·ظ† ظ…ط¹ط±ظپطھط´ اسبابو
بداني هاد الالم من ورى الولادة الثانية ولدي دابا عندو 4سنين ونص تقريبا
فالاول كنقول هادشي ربما عندوعلاقة غير بالفتيح لكن دازت ايام وشهور والالم باقي (كيمشي وكيرجع) واحد النهار شدني كريز( وجع قاصح) ملي خداني الزوج ديالي للمستشفى حقنو ليا واحد البرة وخرج ليا الطبيب شي دوا ملي سولو الزوج ديالي عن ماهية هاد الالم قالو غير ضربها البرد وصافي
بقيت موراها واحد المدة ونفس المشكيل مشيت عند الطبيبة قالت لي الكلى عندك وارمة (منفوخة) والمصران خرجات لي دوا كملتو .موراها كنت مسافرة كنت وقتها بطنجة وشدني داك الوجع ومشيت عند واحد الطبيبة تماك وقالت لي بللي لكلى مبيهم والو عندك البرد في الرحم خرجات لي الدوا كملتو بقيت مدة والالم كيمشي وكيرجع.هنا غنضحككم شوية ههههههه كانت ختي بغات تولد ديناها للمستشفى وقالو لينا غيردوها للدارو الى تزيرات جيبوها وانا وامي زعما كنا مقابلينها هي ناعسة فوق السرير ونا وامي ناعسين لتحت كنا مجمعين معاها حتى دانا نعاس وهي بنفسها نعسات شوية جاتها الوجعة وترطقت ليها المشيمة وهي تنوض قافزة ووطات على كرشي. كتغوت هي فقنت ونغوت انا في قنت امي وابي تخلعو مفهمو والو هي غتولد ونا مالي هههههههه المهم خداوها هي المستشفى تولد ونا بقيت كنتوجع وهبط معايا شي ماء لغد ليه ملي تفكات ختي مشيت عند الطبيبة وعاودت ليها تخلعات لاني اصلا دايرة اللولب زيادة على الولادات ديولي بجوج بالفتيح .قالت بلي الحمد لله اللولب متهرسش وموقع بيا والو لكن الفتيح طاب بحال الى يلاه ولدت خرجات ليا مجموعة من الادوية وقالت لي عليك بالراحة التامة حتى يتشافى الفتيح.بقيت مدة مورا فاش كملت الدوا ومشيت عندجينكو داك الوقت جاتني الحكة بعد الفحص قاتلي معندك والو المشكل ربما غير من المصران .
ونا الوجع كيشدني بزاف الى دوشت وبعد المرات بلادوش ومكنعرفش حتى الاسباب ديالو هههههه يعني كيجيني بلا ميعلمني
ملي كيكون فيا الوجع كيشدني الخمول والعكزومنبغي ندير والو لا شغل ولا حتى حاجة وكنكون معصبة . ومرات كينزل معايا ماء بيض خاتر شوية.
هادي هي قصة الم ط§ظ„ط¨ط·ظ† ديالي نتمنى من الاخوات للي عندها اي فكرة تفيدني بيها وكذلكطبيباتنا الغاليات ميبخلوش عليا ويفسرو ليا هادشي للي كيوقع ليا .وفينممكن نمشي ندوز واش نرجع للطب العام او التخصص؟واش من نوع ديال التخصص؟
الله ايجازيكم عني كل خير.
نسيت مذكرت ان الالم كيكون بعد المرات خفيف بحال للي راه فيا دابا وبعد المرات لايطاق والحمد لله عل كل حال
كذلك انا دايرة اللولب تقريبا 3سنين ونص
عندي 28 سنة
2ولادات سيزاريان الفرق بيناتهم عام
الدورة الشهرية كانت 5 طلعات ل7ايام
ومن رمضان لدابا ولات 10 ايام مع الم شديد فالاول كتجي غير وسخ مدة 3ايام الى 4 ثم من بعد كتسرح دم

---

uk]d Hgl td hstg hgf’k luvtja hsfhf, aaa

اختي بحالي بحالك انا فاتحة جوج مرات الا هزيت تقل كيضرني الفتيح وحتى الا دوشت كضرني كرشي ومكندوزش كنشرب غير الزعتر وكنرتاح شوية وكيفوتني الحال ولطن الابغيتي تشربي لعشوب من ورا الدورة صعاب الا كنتي حاملة ومفرسكش
المهم الله يشافيك

اختي كيف ما قالتليك الطبيبة هاداك راه البرد ضاربك للرحم والمصران.حتى انا بحالك كنحس بالم اسفل البطن والظهر مين تندوش اولا مين تتكون كرشي ولا ظهري معريا شوي.الا دخلي غير شوي البرد تنبقا نتوجع والمشكل تيجيني اسهال وشي مرات حاد..انا قلبت على وصفات في النيت للقضاء على البرد ولقيت الاخوات حاطين وصفة سكينجبير طري تحكيه وديريه في الماء وتشربيه غا نجربها ان شاء الله.وحتى لخزامة مزيانة بزاف للبرد

واش حتى نت جوجمغايلينوبالفتيح ههههه الله يهديهم لينا ويجعلهم لينا ذرية صالحة مطيعة للرحمن وعاصية للشيطان والله اقر اعينا بصلاحهم وتقواهم
عندك الصح الزعتر سخون وكينشط الدورة الدموية حسب معلوماتي ان شاءالله نبقى نشربو
لا الحمد لله مكاين حتى حمل راني دايرة اللولب
والله ايجازيك بخير على جوابك ليا ودائما كما عهدناك سباقة للخير
الله ايسر أمورك حبيبة

ربما لاني فعلا الى كنت ناقصة الحوايج وبالاخص التحت كيجيني الوجع او الى مشيت حفيانة بلا صندالة مباشرة كنحس بالبوجع
مايكونعندك باس اختي
ان شاء الله نجرب حتى انا هادي ديال سكنجبير طري
واش نشربو على الريق واش الماءسخون ولا بارد وشحال القدر الى جات على خاطرك الحبيبة؟
اشنوندير للخزامة؟؟؟؟؟؟؟؟

حتىأنا بحالك غير أنا ولدة بنت أولد عادية أديرا اللولب دوزت عند الطبيبة قالت ليا عندي ميكروب

حتى انا زيدوني عليكم وكنظن والله اعلم انه عندك اعصاب فالمصران حيت حتى انا عندي وكيجيني وجع لا يطاق حاليا كنستعمل بريميدا سيرو وواحد الباسطيات الله يشافينا جميع كنتمنى من طبيباتنا يفيدونا واجرهم عند الله