علموا أبناءكم دينهم منذ الصغر

---

ugl,h Hfkhx;l ]dkil lk` hgwyv hgauv ulgkh

تبارك الله عليك اختي اختي ماشاء الله الموضوع محتاجين ليه طبعا الله يجازيك بخير اسالة ..
كفاش نربو اطفالنا تربية سليمة اسلامية صحيحة
كفاش ندخلو لهم المعلومات اللي محتاجينهم فالعقل مبسطة وسلسة
انا متلا وحلت فالاول باش نشرح لبنتي كفاش اننا مسلمين ميزنا الله على باقي الخلق وشرفنا بالاسلام اشناهوا الاسلام وشكون هو الله هادو اسالة تعرضت لهم ولاكن جاوبت غير بعشوائية وحاولت نوصل المعلومات بطريقتي ولاكن احنا مكنتلقاوش تكوين صحيح باش نعرفو كفاش نوصلو لوليداتنا
الصراحة وهادشي كيفقصني احنا متلا متلقناش تربية دينية صحيحة حنت كانو الابوين امين بسطاء
ولاكن الحمد لله تربيتهم حسنة رغم كل شيء ولاكن احنا الحمد لله واعين وفاهمين كفاش نجوبو متلا على الاسالة الاولى اللي كيطرحها الطفل
كفاش جينا للدنيا اماما شكون هوا الله
واش علاش مكنشوفوهش ……………علاش مكيبانش لينا بالعين

انا متلا تعرضت لهاد السوال وجاوبت ببساطة على حسب تعليمي البسيط قلت لبنتي الله كنشوفوه ولاكن ماشي بالعين بالقلب …………..

اللي كيحبو بزاف كيشوفو بالقلب ديالو ماشي ضروري بالعين المجردة ولاكن كاين اسالة كتيرة اخرى كنتعرض ليها تبارك الله من بنتي بعضهات كيجني صعيب نجاوب عليه مكنبغيش نجاوب بعشوائية باش ميترسخش شي شرح غلط لبنتي فعقلها كناخد الوقت وكنبحت مزيان ولاكن مكنلقاش تفسير جد مبسط يليق للطفل على حسب السن مرحلة بمرحلة
ياريت نستافدو من بعضنا بهاد الخصوص ونتعلمو ونتكونو كفاش ندخلو لوليداتنا ديننا بطريقة صحيحة قوية سليمة بعيدة عن اي تشدد ولاكن فنفس الوقت بعيدة عن اي افعال محرمة وغالطة
تحياتي موضوع جد مميز

تبارك الله عليك اختي
الله يجازيك بخير موضوع جد مميز

شكرا اختي على لموضع والله يعينا على تريية اطفالنا تربية حسنة

شكرا اختي على الموضوع والله الى همي اني ندخل لوليدات الدين ديالنا ولكن صعب بزاف حيت عايشين فبلد غير اسلامي كلشي خصك انت تعلميه لهم ماشي بحال بلاد اسلامية كتكون مادة التربية الاسلامية كيسهلو على الوالدين ومع ذلك الحمد لله كيشوفيوني نصلي انا وا باباهم كيجيو حدايا بنتي 7 سنين ونص بديت نعلمها تصلي وكتمشي للمسجد مرة فالاسبوع وبزاف دالحاجات بحال الذبيحة الاسلامية والمحرمات من اكل الخنزير والكحول ….. والدرار باقين صغار 3 سنين وعامن الله يصلحهم ياربي

عندك الصح اختي هاذ الشي الل بغت نقو فالمشاركة ديالي وكيوقع ل بحالك مع بنتي كتسول بززاف واحنا داك الشي فطري ومكتسب من المحيط والمجتمع اللي تربنا فه والجواب على شي اسئلة كيكون صعيب بززاف الله يقدرنا على تربيتهم تربية حسنة يارب
انا متافقة معاك اننا نتعاونو ونفيدو بعضياتنا بهاذ الخحصوص

الله يوفقك يا أختي ويعينك عليهم ما شي ساهلة والله يدير ليك شي مخرج خير وترجعي ان شاء الله للبلاد الاسلامية

امين اختي بارك الله فيك