علالاش بنتي كدبت

السلام عليكم رحمة الله بركاته
اخواتي نتمنى دلوني معرفت مندير اليوم تاصلت بيا صاحبتي بنتها كتقرا مع ط¨ظ†طھظٹ عمرها 6 سنوات وسولتني اش واقع لبنتي قوتلها والو الحمدالله قاتلي راه بنتها قاتلها بلي ط¨ظ†طھظٹ كانت رعفت وسولتها المعلمة مالها قاتلها بلي ماما ضربتني ورعفت قاتلها علاش قاتلها ماما قاتلي ديري لختك ليكوش ومين مدرتلهاش ضربتني ورعفت وهدشي كولو كدووووب
انا ملي سمعت هدشي وانا مبلوكيا معرفت مندير علالالالالالالالاش ط¨ظ†طھظٹ ظƒط¯ط¨طھ و عمري شديت عليها لكدوب وديما كنعلمها ممنوع لكدوب وحرام معرفتش كيفاش نتصرف معاها ملي تجي من المدرسة ولا كيفاش نعاقبها
عافكم نصحوني راني كالسا على اعصابي و راسي كيقولي ط¨ظ†طھظٹ مين دارت هاد الفعلا راه تكون ديما تكدب عليا اولا تكدب على الناس وانا ماجايبا خبر

---

ughgha fkjd ;]fj ;]fm

انا فنظري غتكون خافت مني شافت الدم و ربما كتخاف من ديك المعلمة لهدا تربكت و قالت هكداك
عندكي ضربيها بالعكس حضنيها و قولي ليها مالكي بنيتي فيك شيحاجة راه المدرسة عيطات ليا وقالوها لي باش تعرف الا كدبات مرة اخرة غتعيقي بيها. وحاجة اخرى تقدر تكون كتغير من اختها الصغيرة حيت دخلتها فالكذبة !!!! اذن حاولي تحسيها انها عزيزة عندك و بزاف و كتخافي عليها بيني هدشي مزيان.
ومرة اخرى نوصيك عندكي ضربيها ديري بوجهنا ههههههه
والله يوفقك اختي و يخلي ليك ولداتك

الله يصلح ليك بنيتك و وليداتنايا ربي آمين ما ضربيهاش راه الضرب ما يجيب نتيجة

لا اختي مكتخافش من المعلمة اما على الغيرة كتغير بزاف من ختها عيت منفكر ملقيت حتى سبب يخليها تقول هدشي
لا مهديش نضربها كنفكر غير فشي عقوبة لتخليها متنساش هاد الفعلة لدارتها
وشكرااااا بزافففففف لدعواتك والاهتمامك اختي والله يخليلك معز عليك

ربي يخليك اختي لا اختي كنحاول نبعد على الضرب فالتربية لانو مكيعلم والو وميفهمهم والو غير مكنزيدو نصعبو الامور

أنا قلت ليك هدشي حيت جربت الضرب مع ولدي ماجاب نتيجة مع أن تربية الدراري أصعب من ديال البنات و وليت كنستعمل طريقة تخليه يحشم فادتني مثلا ملي تجي عطيها ليكوش و قولي ليها ديريه لأختك و غادي ستغرب و تم قولي ليها سبب التصرف ديالك باش تعرف غلطتها غادي تفهم راسها و و تعرف بالي راها بحال ختها و كنظن بالي الكذوب ماشي طبع فيها غير الغيرة و صافي

فاش تجي من المدرسة خليها حتى ترتاح وتاكل وتبداي تسوليها بشوية شنو وقع فالمدرسة الى ماقالتلك والو انتي جبدي معاها الموضوع بشوية وسوليها فالاخير علاش كذبات غير بالتي هي احسن ماتقوليلهاش الكذب حرام وربي يعاقبك لا قوليلها الصدق زوينوالى كنتي صادقة ربي غادي يبغيك وانا وباباك نكونو فرحانين المهم حببيلها الصدق انا كيبانلي والله اعلم ان البنت عندها نقص الحنان وبغات تكسب العطف ديال المعلمة بهاد القصة اللي قالت يمكن كاتحس بالغيرة من اختها انها خداتلها بلاصتها وانكم مابقيتوش تهتامو بيها كيما كنتو لان الحب كان ليها بوحدها اما دابا ولات كاتقاسموا مع اختها والله يعاونك اختي على التربية الصالحة ويسهل عليك ماصعاب

اه اختي عمرها كدبات ونهار كدبات الفت قصة
يمكن تقوليلي الطريقة لكتستعملي مع ولدك لكتخليه يحشم
وشكرا مرة ثانية لاهتمامك

لله يصلح وليدات المسلمين كافة ، نتي باين فيك ام كتفكر بعقلها ماشاء لله عليك
حاولي تحاوري معاها وعرفي السبب ليجعلها تكدب باش متولفش الكدوب من دابا

داكشي لي قلت مع راسي الغيرة هي السبب
حاولي اختي تحببيها لاختها مثلا:
ـ خودي شي هدية و قولي ليها هادي جبتها ليك اختك
ـ شركيهم فاللعب بالحضور ديالك طبعا
ـ حسيها انها قريبة ليك و انها لعزيزة و لكبيرة ….
ـ و دور الاب حتى هو مهم خاصو يساعدك و يغطي الفراغ الا كنتي مدهية بزاف مع الصغيورة
ـ يخرجها نهار الاحد
المهم تحس براسها راها مهمة عندكم و عزيزة عليكم لان لتكون غيور تيكون حساس
و الله يوفقك فتربيتهم اختي.