عقد القران

السلام عليكم

راني كاندعي معاكم الله يكمل بخيير ويتبث غرسكم ان شاء الله
وياربي ترزق البنات بالازواج الصالحين
اوا دعيو معاي تا انا الله يسر اموري

ان شاء الله عرسي فشهر 10 او 11 مازال ماحددناش
وقبل من العرس بشي اسبوع او 2 عندي العقد بغيت ندير شي حفلة بسيطة وزوينه يكونوا فيها صحاباتي
والمقربات من العائلة شنو نلبس والمكياج الاكل المهم كولشي ههههه
بغيتكم تعطيوني اقتراحات لي دارت بحال هكا او بغات ديرو
واش مافيها باس الا لبسنا لخواتم فهاد النهار
ماتبخلوش عليا الله يخليكم ويرزقكم ما تمنيتو

---

ur] hgrvhk

مبروك الحبيبه الله يكمل عليك بالخير

الله يتمم امورك بالخير ، و هنية عليك

نتمنى من البنات عندهم فكرة يفيدونا ، و عجبتني قضية نهار العقد ديري حفلة و تعرضي على صحابتك و المقربين بالنسبة اللباس لبسي قفطان متول. .. و صيبي وجهك و شعرك عند الكوافورة و فرحي براسك هداك النهار مع صحاباتك و المقربين. …….

و الاكل ديري اللحم، دجاج ، بسطيلة. …نتي وجهدك الديسير و المشروبات. ….، و الحلوى و اتاي

الله يكمل عليك بالخير و الله يسر ليك كل أمر و يجعلو زواج مبارك بعيد كل البعد من عيون شر خلق الله سواء كانو من الإنس أو الجن و اللهم آآآآآآآمين على الدعيوات ديالك …. حبيبة أنا مازال ممخطوبة ممزوجة باقا كنتسنا فمولاي السلطان و بالنسبة ليا كنقول غندير غير تكاتيب فالدار و تكون وليمة فيها صحاباتي و عائلتي غير القراب العمات و العمام و الخوالات و الخوال هكدا داكشي خفيف المهم واحد صاحبتي دارت هكذا هانتي دخلنا لقيناها لابسة قفطان خضر ه ماكياج خفيف و مشيطة خفيفة و كتنقش و مخدمين الأغاني ديال الحنة صافي و هي كتنقش جا العريس وعائلتو حتى هو جاب غير المقربين كملات لنقيش و هي كتصور دورو الحلوى و العصير صافي نشفات ليها الحنة ناضت و جا العدول وآآاو جو غزال خرجات هي لابسة تكشيطة فالباج زويييينة و دارو العقد قدام كلشي و زغرتنا و صلينا على النبي و ركبو الخواتم و الذهب اللي جاب ليها و تصورو و حطو الماكلة دارت التريتور دارت البسطيلة و اللحم و الديسير و صآآافي و كانو ير زوج طوابل للنساء و طبلة للرجال و داز نهار متيول و غزآآال و حتى العروسة كانت مرتاحة حيث كانو غير الناس اللي كترتاح معاهم … و هادشي اللي غندير حتى أنا إن شاء الله فلوس ديال العرس نمشي بيهم العمرة و لا نكمل بيهم فراش الدار كنتمنى نكون فدتك و الله يدوز كلشي بيخير

الله يبارك فيك امييين
شكرا احبيبه

لهلا يخطيك تاتني الله يكمل عليك بالخير
ان شاء الله داكشي لي ناويه ندير

امييين يا ربي
الله يسهل عليك تانتي ويبعتلك نصيب عاجل غير اجل
ان شاء الله نويت ندير غير شي بوفيه ديال عصائر والحلويات ولي طارت
حيت صحاباتي كاينين لي بعادات عليا داكشي لاش مابغيتش ندير العشا
وغادي نفصل شي قفطين خضر غزال وندير شي حنه خفيفه
وعندي قفطان فالصومو لتبديلة
بغيت نسولكم على ود العدول الا جاو بلا مانمشي انا لعندهوم ياك ههههه
نخليكم يجيبو ليا نمضي اوصافي

تبارك الله على صاحبتك دارت نهار قدها ، تانا هدي هي الفكرة للي بغيا ندير ندير وليمة مع صحاباتي و المقربين. . و معنديش فكرة نضيع لفلوس فليلة وحدة ندير نهاري يكون فيه النشاااااااااااط ….و دكشي خفيف و لفلوس نوفرهم كيف قلتي لعمرة او فراش او ديري شي مشروع ………

واش أنا غير جيت و حبيتك هههههههههه نتي عقلية 10/10 آه أختي المهم يكونو دايرين بينا الناس اللي كنبغيو و يفرحو لينا من قلبهم و الله يسر ليك كل أمر عسير و الله يبارك ليك فزواجك نتي و جميع المقبلات على الزواج