عفاكم ساعدوني ضربني البرد وفي السخانة وانا في الشهر السابع

السلام عليكم ورحمة الله

عفاكم لي عندها شي علاج طبي او طبيعي تعتقني بيه

انا حامل في ط§ظ„ط´ظ‡ط± ط§ظ„ط³ط§ط¨ط¹ وهادي ثلاث ايام كنعاني من الزكام والسخانة وحاولت نعالج راسي غير بالليمون كناكلو بزاف حيث هكذا عالجتو في بداية الحمل

لكن هاذ المرة مختلف جدا ماقضى فيه والو غاي وكيزيد دوزت لبارح كلو فايقة مانعست بالسخانة والتهاب الحلق والام الاسنان والصداع في الرأس زعما تمحنت مزيان ومزال لدابا نفس الشئ وخايفة يوقع لي نفس الشئ هاذ الليلة

مابغيت نمشي لطبيب حيث عندي رونديفو نهار الاثنين وعارفة بلي طبيب ماغايعطيني حتى شي دواء

عفاكم لي عندها شي علاج آمن تعتقني بيه الله يسهل أمورها يارب

دعيو ط¹ظپط§ظƒظ… معاي بالشفاء وبالفكاكة الساهلة راه نفسيتي تحت الصفر وعينيا عامرين بالدموع

---

uth;l shu],kd qvfkd hgfv] ,td hgsohkm ,hkh td hgaiv hgshfu hg.dhkm

اختي الله يشافيك راني حتى انا حاملة الله يفكنا على خير وجاني زكام ورواح خطيرين بقيت صابرة شي 5 ايام لكن تزاد عليا وتاصلت بطبيبي وخرج لي دوا دوليبران1000وzithromax500دبا الحمد لله شوية لكن مزال عيانة الله يشافينا ويشافي كل مريض

الله يشفيك ويفك وحيلك على خير
حتى أنا منين كنت حاملة دوزاتها علي واحد الضرسة الله ينجيك وغير صبرت حتى ولدت عاد خديت الدواء

شكرا اختي اسماء على الرد الطيب

الله يجيب الراحة أحبيبة ط أنا فحملت 3 شهور الأخيرة كلها دزة عليا بلحلقم خايبين أو رواح أو سخانة ؛ كنت مرة مرة كنخد دلبران أو خدت واحد لمرة augmentin راح امكن لحامل تاخدوا ولكن نفعني غير لمرة لولا ؛ إلى كيدروك سنانك خدي كالسيوم كينصس الحريق ولكن غير صبري أحبيبة راح غير تولدي أو كلشي غيمشي سبحنالله بحل إلى كنتي كتكدب ؛هاد شهور الأخيرة كتكون صعبة بزاف خصك تصبري أو كلشي بلاجر ديالو ؛ على غير أجي أو جول حملت ههههه
آه أو إلى كيدروك لودنين راح منفعتني غير واحد تقطر نسيت سميتها فيومين ريحتني ونقصتلي ط لحلقم ؛ نسيت سميتها ولكن سولي عليها فرمسي راحة امنة للحمل ؛ الله يشافي أحبيبة

لاباس عليك اختي
حتى انا منين كنت حاملة ضربني البرد و مرضت مرضة خايبة ما كنتش كنقد نهز الراس من الفراش و اتصلت بالطبيب ديالي و اعطاني انتيبيوتيك تقدر المرا الحاملة تاخدو نسيت سميته
اتصلي بالطبيب و لا سيري عنده حيت السخانة خايبة تبقى فيك و انتي حاملة
الله يحد الباس

ربي يحفضك الحبيبة على هاذ الرد الجميل ، حتى نت الله يتمم حملك على خير

في الصراحة لحبالة ماساهلاش كندوزو فيها احيانا من أوقات صعبة وطويلة بزااااف

الله يثبت الأجر ويتقبل منا ،والله يعطينا فكاكة ساهلة

شكرا مرة أخرى حيث جاوبتيني

الله يفكك على خير أحبيبة

عليك بالماء ديال البصلة و العسل حر هما لي عتقوني ملي كنت حاملة!! ميكون عندك باس و الله افك وحايلك على خير

رد ديالي كان ناقص سمحي لي تلفاتني البنية ههههه المهم غاتاخدي بصيلة حكيها ف الحكاكة الغليضة و خودي ملعقة من الماء ديالها زيدي عليه ملعقة العسل و ملعقة الحامض و ضريس الثوم خلطي مزيان و شربيه اوا و ضربيها بجرية و تخباي فراشك تغطاي و نعسي مزيان و الله انزل الشفاء من عندو 🙂 للامانة انا درتها يومين متابعين 3 مرات كلا نهار و النهار الاول دوزتو فالفراش. اه امكن ليك تزيدي زويتة بلدية باش اتصرط ليك فيساع حيت حاار و لكن دقةبطلة