عسر الهضم

السلام عليكم أخواتي

محتاجة لمساعدتكم

عندي عسر ط§ظ„ظ‡ط¶ظ… * تناكل شي حاجة بسيطة كتبقى كرشي منفوخة حتى لغد * مابقيتش نحمل ناكل بسبب هاد المشكل * انا اصلا ضعيفة و زدت
بغيت شي حاجة طبيعية نداومها بش نعالج هاد المشكل و بلا اثار جانبية

قريت بزاف في الانترنت * تيبداو يشكرو فشي حاجة ومن بعد يقولك الا كترتي منها ديرلك الحجر في الكلاوي والضغط و ضيق التنفس وزيد وزيد
بغيت شي حاجة مجربة
الله يبعد عليكم كل سوء
السلام عليكم

---

usv hgiql uav

اولا الله اشافيك

ثانيا اي عشبة استعملتيها باش ماضركش استعمليها 21 يوم ووقفيها اسبوع او 10 ايام ثم عاودي رجعي تبعيها وهكذا باذن الله حتى حاجة ماضرك
ثالثا ماتبقايش تاخذي كمية كبيرة يعني معلقة صغيرة راها كافية

المهم

عليك بالتفاح شحال ما كلتي منوراه تيهضم هذا ماتخافيش منو ميضركش

من بعد الاكل دائما كلي تفاحة يعني من بعد كل وجبة

الرمان نفس الشئ

القوق نفس الشئ

المسكة تبقاي تمضغيها حتى هي تتهضم بشكل سريع

انا راه متتخطانيش وقتاش ما اكليت شي حاجة ثقيلة او صعبة في الهضم تنزل عليها حتى تتنرتاح

الكمون تبقاي تزيدي في الاكل ديال خصوووووووووووصا اللوبيا منين تحطي الطبسيل اوى دري عليها كمون مطحون بكمية شوية كبيرة عمرها ماضرك

دابا نجيو للاعشاب

ازوكني او الزعيترة مشي الزعتر لالالالا غتلقايه عند العشاب راه ريحتو وشكلو مخالف على الزعتر وعلى الزعيترة البلدية هو رقييييييييييق بزاف بحال شكل ازير غير هو رقييييق على ازير بزاف يعني مشي وريقات بحال الزعتر والزعتيرة
غلي الما وديري شوية جهد كاس وخليه انقع وشربيه بعد الاكل كاس 2 مرات في النهار ممكن تخلطكيه نمع اتاي

وممكن تشربيه بوحدو ممكنضيفي سكر او تشربيه بلاش مشي مشكل

معلقة صغيرة ديال الكروية ومعلقة صغيرة ديال النافع مطحونين في كاس ماء غليان وخليهم حتى اكطلقو وشربي 2 مرات في النهار بعد الغذا وبالليل قبل ماتنعسي
الا درتي هدو مديريش ازوكني باش ماتكثريش عليك دري وحدة منهم مدة وعاودي وقفيها وديري الاخرى

ماتبقايش تشربي الما مع الماكلة
يا شربي قبل الاكل بساعة او حتى تكملي ماكلتك بساعة او 2 باش تسهلي عملية الهضم

بعدي من الماكلة ليفغيها الدهون بزاف بحال الملاوي ديال الشحمة والمرقة اليدمة بزاف

ماتكليش بزربة غير بشوية

جربي هدشي اسبوع وغتحسي بالفرق ان شا اله

بعدي من المونادا بكل انواعهها في خطرى الا شويبس سيطرون

خاصكي تعرفي نوع الماكلا لي كادير ليك عسر الهضم ..و نقصي منها او بعدي عليها .. كاينين ناس عندهم عسر الهضم من النشويات و كاين من لحليب و مشتقاتو و بعض انواع الخضر .. ونزيدك ماشي كل البحات لي كاتقراي عليهم فالنيت صحاح كاينين بحوت وهمية كايضحكو بيها على الناس باش يحرمو عليهم ما أحل الله .. و ربي يجيب ليك الشفاء

السلام عليكم اختي

أن شاء الله هاد الوقت الي كتبتي فيه هاد المعلومات يجعل ليك الله سبحانه و تعالى حسنات

ان شاء الله نجرب هاد الأعشاب
انا من زمان عمرني متنشرب المونادا لا شتا لا صيف
و الماء متنشربوش مع الماكلة

الله ينجيك و يشافيني يا رب

السلام عليكم اختي

يا ربي كون غير كنت ناكل نقول بعده راه من الماكلة
و الله الى نص كوميرة متنفوتهاش في النهار كامل
بعد المرات كنحس بالجوع و متناكلش بسبب هاد المشكل
ان شاء الله نجرب الأعشاب اللي قالت لى الأخت نوال33

الله يسر امورك و ينجيك من كل سوء

امييييييييييييييييييين نترجا من الله اجعلني سبب في شافئك اختي الحبيبة

اياكي والنعاس مباشرة من بعد الاكل كلي قبل وقت نعاسك بساعتين

بارك الله فيك اختي

اختي فالله اسال الله العظيم ان يشفيك انا فحالك منكدر ناكل حتى تبعت العسل على السرة الحمد لله هاالرابط تسمعي بنفسك كيف تستعمليها ناكد ليك نقيطة فقط ماشي تعمر السرة غير نقطة غتلقاي الراحة من السمانة الاولى https://www.youtube.com/watch?v=Oj5v8iORDJQ

السلام عليكم اختي
الله يسهل عليك و يشافيك