عرض السدادر

الله يخليكم واش عرض السدادروالبونج ديالو 60 سنتيم كيجيو مزيانين في التفريشة و مريح في الكلسة وشكرا جزيلا

---

uvq hgs]h]v

نعم أختي 60 مخيرين يجيو غير ديريهم

لا اختي عندك ديريهم راهم خايبين فالجلسة بالاخص الا كانو مخاد كيشدو مساحة و مكيبقا الانسان فين يجلس كتبقاي جالسة فالحافة و ماشي مرتاحة
انا كنهضر معاك بناء على تجربتي الوالدة مع هاد السدادر كرهتهم و ندمات عليهم ودابا راها تبدلهم شويا بشويا
ولك واسع النضر

سمحيلي أختي صاحبة الموضوع ، كنت غادي نقفرها لوكان راكي دعيتي عليا ههههههه ، قريت الرد ديال الأخت نينا أم سعد ، ونضت عبرت دياولي أنا حسابلي فيهم 60 ، جبرت فيهم 75 سنتيم ، سمحيلي بزاف

هههههههههههههه لا حشومة علاش غادي تدعي عليك الخطا كيوقع
حتا انا اول مرة نسمع شي حد يشكرهم تعجبت حيت خايبين و مبقاوش يخدموهم الا الى وصيتي عليهم يمكن صاحبة الموضوع عندها الدار مضيقة بغات ديرهم
انا فرايي تنقص من عرض الطبلة و دير سدادر 70 عادي

بارك الله فيكم على نصيحتكم
اخت نبع الحنان بالعكس ندعي ليك بالخير لانك جاوبتيني
و سمحولي واش تمن البونج 70 سنتيم بحال تمن 60 و شحال تمن كل واحد فيهم

اهلا اختي … ماكاين ما احسن من القياس ستندار لي هو سبعين تيجي مزيان في التفريشة ومريح في الجلسة وحتى النعاس
اما الستين حتى هو تفريشتو غزالة كتحمق اما الجلسة على حسب
حنا دايرينهم فدارنا فواحد السيجور وجايين تيحمقو ولكن غير للجلاس ولي بغا يشرب شي حاجة حيتاش هما ماشي مريحين باش تجلسي فيخم وترخاي هما فحال الجلسة دالكرسي غير هي بلدية

ونزيدك حاجة الى جاك ضيف ونعستيه فيهم عمرو يعاود يرجع عندك حيت غيصبح يلقا راسو في الارض هههه

والثمن على حسب الماركة والجودة وعموما ماكاينش فرق كبير بين ثمنهم وثمن السبعين

بارك الله فيك اختي انيقة سلفية

نفس الثمن