أنيقاتي الغاليات مرحبا بيكم عندي هاد العراضة عملتها الأسبوع لي فات ظ„طµط¯ظٹظ‚ط§طھظٹ كنتمنى تستافدو منها وتعطيكم أفكار جديدة إن شاء لله بطبيعة الحال وكيف قلت فالموضوع السابق ديال العراضة التحضير المسبق كيلعب دور كبير فالتنضيم لكن أنا هاد المرة وحيت جات مع السفر والعطلة كان عندي يوماين باش نوجد كلشي والحمد لله ربي ما خيبنيش وداز كلشي بخير وجدت مويعناتي لي غادي نحتاج مصورتهمش حيت سبق نزلتهم فالموضوع السابق فاليل وجدت الحشوة ديال بسطيلة د الحوت وشرملت طريفات د الحوت غادي نوق بيهم بسطيلة وعملت كلشي فالثلاجة حشوة البسطيلة خليتها بلا شعرية الصينية حتى قربت نلويها عاد طيبتها لدقائق وزدتها على الحشوة صورت المراحل إن شاء لله نزلها في موضوع مستقل هاهما المقادير والطريقة على ما نزل الموضوع مقادير وطريقة بسطيلة الحوت : 1 كيلو غ جمبا ( قمرون ) + 750 غ كلمار + 500 غ هبرة الحوت ابيض نقصت منو شوية للتزيين + 3 حبة طماطم كبيرة حمرا مقطعة مكعبات صغيرة 2 حبات فلفل أحمر مقطعين مكعبات + تقريبا 5 م ك قزبور + 2 أو 3 ضروس ثوم محكوكين + 10 ورقات الرند + 3 م ك تحميرة + 1 م ك كامون + نص م ك إبزار + نص م ك سكنجبير + ملح حسب الذوق + الحار حسب الذوق ( لذتها تكون شوية حارة لكن ماشي بزاف ) 1 علبة صلصة الطماطم solis أو أي صلصة تفضلوها 2 علب الشعرية الصينية كبار + زيتون أخضر مقطع + نص حامضة مصيرة مزولة ليها اللبابة + الزيت بلدية ورومية + 1 علبة شامبنيون الطريقة : نعمل الكلمار فالزيت هو الأول ومرة مرة نحرك حتى يبدا يتطرطق غير يبدا يطرطق نعرف انه طاب نضيف عليه الفلفل احمر يدبال ونضيف الثوم محكوك ( راجلي كان مسافر تبرعت بالثوم مزياااان هههههه ) نضيف القزبور غير تبدا تطلع ريحت الثوم تطلع نضيف التوابل كلها والملح ونخليهم شوية ونضيف مطيشة و الصلصة ونزيد الجهد للعافية ومرة مرة نحرك هاد العملية كتخلي مطيشة تطيبة بسرعة وتنشف شوية من الما نضيف الكروفيت وطريفات الحوت ونخليهم يطيبو شوية ونضيف الزيتون الشامبنيون ونخليهم شوية يطلقو فبعضهم نغلي الشعرية الصينية فالماء وحد زوج دقايق ونقطرها ونقطعها بالمقص ونضيفها للخليط ونخلط مزيــــــان أنا فهاد المرحلة كنحيد الرند كلو ومنين تبرد نلوي البسطيلة بالطريقة العادية ونطيبها في فرن ساخن ونقلبها عاد نقدمها باش كتجي لونها محمر بالعطرية إدا شفتها بقات رطبة بزاف كنردها لتحت الشواية غير تتقرمش شوية طرياف د الحوت لي شرملتهم بالثوم والقزبور والتحميرة والكامون ليبزار والملح والحار وشوية د الزيت نعمرهم فقطيبات د الخشب لي سبق رقدتهم فالمسا ساعتين باش ميتحرقوش وندخلهم للفران ونقدم بسطيلتي بالصاحة والراحة 
من بعد بسطيلة قدمت طارطة كواخادة ساهلة بزاف وراقية وكتحمر الوجه تلقاوها فهاد الرابط https://www.anaqamaghribia.com/vb/sho…d.php?t=312020 
الصابلي في هذا الرابط https://www.anaqamaghribia.com/vb/sho…256&highlight= 
حلوة اللزو غادي نزلها قريبا جدا إن شاء لله 
حلوة البيان ( الكاوكاو ) في هذا الرابط https://echorouk.dzbatna.com/#312267&p=6720280#post6720280 
البينيي والدوناتس من عجينة واحدة المقادير : 2 بيضات نهرسهوم غير من لفوق باش نبعبر بيهم + نصف ليمونة محكوكة ومعصرة ( حامضة ) 500 غ دقيق + شوية خميرة الحلوى + خميرة الخبز(عينك ميزانك وحسب حرارة الجو) 2 م ك سكر + شوية ملح + البيضة لي هرسنا باش نعبرو بيها كنعملو 2 بالزيت و 2 بالماء الطريقة : نخلط السوائل مزيان ونضيف الدقيق ندلكها مزيان نخليها ترتاح شوية ونطلقها ونشكل دونتس أو بينيي حسب الرغبة نخليها تخمر مزيــــــــان ونقليهم والتزيين حسب الرغبة ملاحضة : أنا عملت المقادير X زوج 
مربعات بالعجين المورق والكريمة العجين المورق تطلق العجينة وتقطع مربعات تذهن بالبيض وتعمل خطوط بالفورشيط وتدخل الفران منين تبرد نقسمها فالنص بالعرض ونعمر بكريم فرش مطربة 
الكريب مالح معمر ومقلي رابط الوصفة https://www.anaqamaghribia.com/vb/sho…d.php?t=285441 
les canapés غير نزل الموضوع نعمل الرابط ديالو هنا 
الضفيرة بالعجين المورق والكفتة العجين المورق + بصلة مشلضة + كفتة + صلصلة الطماطم + ملح + إبزار + الحار + شمبنيون نشحر البصلة نضيف الكفتة والتوابل نفتتها مزيان ونضيف صلصة والشامبنيون ونخليها شوية ونطفي عليها نطلق العجينة ونقطع الجناب تذهن بالبيض تعمر بالحشوة ونبدا نجمع مرة من جهة ومرة من جهة تذهن بالبيض تزين بالسانوج وإلى الفرن 
الشنيك مالح بالتون والبيض غادي نزل الموضوع بالمراحل إن شاء لله 
إن شاء لله نزيد نكمل كل الوصفات الموجودة غير خصني وقت نصغر الصور ونزلهم في مواضيع مستقلة أتمنى تكونو استفدتو من الموضوع اللهم أدمها نعمة وبارك لنا فيها واحفظها من الزوال 
uvhqjd gw]drhjd ( hg[.x hgehkd ) hgjhkd
تبارك الله عليك الله يعطيك الصحة هادشي تيشهي احلى تقييم
السلام عليكم هاد الشي تبارك الله متول وتااااايحمق ماشاء الله عليك الله يعطيك الصحة
تبارك الله عليك والصلاة على النبي عرآآآآآآآآآآآضة هيا لله يعطيك الف صحة وعافية الزين ديالي لك مني احلى تقييم
مااااشاء الله عراضة كاملة مكملة الله يعطيك الصحة حبيبتي كل الأطباق كتشهي أحلى تقييم وخا قليل فحقك أحبيبة في إنتضار المقادير هههه
ماشاء الله والصلاة على النبي المختار تبارك الله عليك احبيبة معندي منقول لالة ومولاتي كلشي متول وعلى حقو وطريقو هدا هو الشغل والتاويل لمتول والا فلا ربي يحفضك الزين ويعطيك الصحة يجب أن تضع للبعض سمعات قبل إعطائها إلى أم أســامة و إيمــان مرة أخرى.
تبارك الله عليك الله يعطيك الصحة هادشي غزال ومتول الله يعطيط الصحة 5نجمات
تبارك الله عليك كلشي غزال وكيحمق كيف العادة تسلميلي يالذيذ ههههههههه
تبااااااااااااااااارك الله مااااااااااااااااااااشاء الله فن فن فن والله ايلا كيشهي علاش ماحطيتيش لينا كيفاش درتيهم والله عجبوووووووووووووووني بزااااااااف احلى تقييم ىوتستاهلي اكثر
تبارك الله وما شاء الله كولشي غزال عجبين كتير الشكل ديال البيني منفوخين ياريت تعطيني الوصفة ديالهم