anaqamaghribiaa11960eaa3.jpgPhotos-0054(1).jpgPhotos-0053.jpgPhotos-0052.jpg
السلام حبيت نشارك معاكم اليوم بعجينت و كيف ما تتبين الصور=تنخلط القياس ديال الطحين(عينك ميزانك) انا عملت زلافة و نصف+ملعقة كبيرة موتارد+شوية الزيت البلدية+شوية دالملح+ماء اللي يجمع لي العجينة..تنخليها ترتاح شوية ثم نطلقها بالمدلك و نوضع فيها طريفات ديال الزبدة بحال اللي تيظهر في الصورة..تنلويها بحال العجينة المورقة تنخليها ترتاح 10 دقائق و نعاود نفس العملية..ثم نطلقها نثقبها بالشوكة و ندخلها تطيب و من تخرج تنحط عليها لاصوص اللي تكوني وجدتيها (و انا تنحك 3 مطيشات صغار+فص من الثوم و الملح و الزيت و شوية ماطيشة الحك و نخليها تطيب) و تزيدي عليها اللي بغيتي انا هنا استعملت الطون و كيف تتشوفو قطعت طريفات ديال الفروماج حيت الغزالة ديال بنتي متتبغيش الفروماج بانواعه انا قاديتها و من غتاكلها غنحيد لها الفروماج و الزيتون و تاكل اللي بقى هه هه…و من تبغيو تعملو الحلو يعني بالكريم باتسيير و قطع البنان تتعوضي الزيت البلدية بالعادية ديال الطياب و عوض الملح تتعملي السكر الكافي و بالطبع مكايناش الموتارد و تتبعي نفس المراحل و هاهي الطورطة واجدة.نتمنى تعجبكم ط¹ط¬ظٹظ†طھظٹ و تجربوها.بغيت نقاد الصور و تجي عمودية لكن الغالب الله..
u[dkjd hglhgpm , hgpg,m hglhgdm y]d,jd