عتقوني بالجواب للي عندو خبرة على قانون التعليم ,راني اتحبطت

السلام عليكم
انا غاندخل نيشان للموضوع حيت عييت نفسيا اكثر من شي حاجة اخرى
انا كنت فالتعليم لمدة سنتين فضواحي تارودانت كنت ترسمت فيها. تزوجت و زوجي فاسبانيا ,طلبت الايداع لان الواحد ما يعرفش واش ممكن يتفاهم اولا, واحتفلت بزواجي و بالفيزا مشيت لعندو
ومللي دورت للمدير فبداية السنة قاللي بان طلب الايداع ترفض و باني خاصني نرجع , بكيت انا و راجلي وهضرت مع دارنا يعاودوا يجمعوا لي الحوايج, وانا نفكر بالفقسة ايوا و الى رجعت و صبرت عام كاامل وندفع تاني وممكن يرفضو ايوا نبقى تابعاهوم, وفالضواحي؟ فقررت ما نرجعش وما خديتش اي مانضة من شهر اللي انقطعت فيه
المهم انا الحمد لله بخير و هانيا مع راجلي و خدمت فاسبانيا نيت فالتعليم فالمدارس مع واحد الجمعية كاتعاون الوليدات اللي ضعاف فالاسبانية او غيرها,والان مع الازمة حبسوا هاد النوع من الدعم وبقيت فالدار,راجلي بحكم خدمتو كايجي مرة فالاسبوع او فاسبوعين, وانا قنطت و هاد الازمة ما تخليكش تغامري و طلبي منو يخلي الخدمة و بغيت نرجعوا خلاص
المهم سؤالي واش ممكن نرجع للتعليم علما انه داز 9سنين على مغادرتي للتعليم, والا رجعت واش غانرجع للبادية مرة اخرى علما ان ولدي فالتالت يعني باش نسكن خاسني نختار مدينة اللي فيها مدرسة اسبانية
الله يسهل عليكوم جاوبوني و الى لقيتو من تسولولي سولو الله يوفقكوم يا ربي وشكرا

---

ujr,kd fhg[,hf ggd uk], ofvm ugn rhk,k hgjugdl <vhkd hjpf'j lg[ vhkd

اختي 9 سنين بزاف .. شوفي ممكن تخدمي فالتعليم الخاص اما الدولة مكنظنش
نتمنى لبنات يساعدوك ان شاء الله

شكرا اختي اصلا فالقانون اللي سنينا عليه الى غادر شي حد الخدمة ما من حقوش يخدم مع الدولة لمدة 8سنوات ,و من بعدها هو اللي ما عرفتش, لكن شكرا احبيبة بزااف على الجواب ,الله يوفقك

الله يجيب لك اللي فيها الخير اختي

اختي الله يسهل ليك الامور

maymkanch had lmodda kolha wtarj3i ri a5otti wach masiftolk la n9ita3 3ani l3amal la walo 7it darori tayraslok wa7d l7ala b7alk tzawjat sa3odi wkant 5dama m3ana wmchat 3la asas maradich tarja3 iwa 7it mchat lhih l9at mzawaj w3ando 9achla wlad iwa sabrat 7ta 3yat wrj3at f7alha wjab lah hya l9at bli chi wa7d kaya5odlha lmanda dyalha mn lfo9 3la asas annaha 5adama whya li kata5odha lmohim ch7al whya tjara wradoha l5damtha bassa7 hya makamlatch l3am wrj3at

سيفطولي لدارنا نرجع الفلوس و مللي علموهوم بللي اصلا ما خديتهومش قالولي اني 8 سنوات مايمكنش نخدم مع الدولة ,هادا ما كانو دابا مللي دازت اش؟ و الله ما عرفت
وشكرا حبيباتي على الردود و مازالا نستنى اجوبة الله يجازيكوم بخير

لا اظن ترجعي للمنصب ديالك لانك ما كنتيش كتبرري غيابك و هذا كيتسمى انقطاع عن العمل .اكيد صيفطو ليك انذارات و الى مالتاحقتيش كيديرو لك عزل من الوظيفة العمومية.الله يسر ليك.و الله اعلم.

اختي الله يسهل ليك الامور