عتقوني الله يعتق وجهكم من النار توسوست

سلام اخواتي عفاكم طمنوني انا حاملة ومابقالي والو نولد قالتلي الطبيبة نهار 24 وهاد اليومين كنحس بحركة الجنين تقيلة بزاف قلبت فالنت لقيتهم كيحذرو من هادشي وكتكون ولادة مبكرة وشي كيقول بأنه عادي وانا سبق للطبيبة ديالي قالتلي عندك الما حول الجنين قليل خاصك تشربي الما وكنشرب الما ولكن مع دلك طھظˆط³ظˆط³طھ لي عندها تجربة تطمني..الاتنين نشوف الطبيب غي بغيت نعرف آرائكم

---

ujr,kd hggi dujr ,[i;l lk hgkhv j,s,sj hlkhv

معنديش فكرة أختي كنتمنى لبنات يفيدوك الله يطمنك أختي ويسر أمرك

اختي ادا كنتي شاكة فشي حاجة سيري دغيا للمستعجلات وطمني متبقايش موسوسة والله يسهل الامور ويكون كلشي على خير

ختي من أحسن سيري عند طبيبة لي متبعة معاها

اختي ادا كنتي شاكة فشي حاجة سيري دغيا للمستعجلات وطمني متبقايش موسوسة والله يسهل الامور ويكون كلشي على خير

أختي كنتمنى لبنات يفيدوك الله يطمنك

حتى أنا كان عندي الماء ناقص ديال الجنين في الشهر السادس ، وقالتلي الراحة التامة ونشرب الماء بزززاف حتى 4 لتر وعطاتني 4 أسابيع نعاود إيكوغرافي ، ومنين وليت في 7 شهور عاودت إيكوغرافي قالتلي صافي ولا طبيعي الحمد لله ، غير شربي الماء بززاف ، واش الماء كينزل منك نتي ؟ إذا ماكانش ينزل المشكل كيكون في الداخل ، وأنا كانت قالتلي الطبيبة منين نعاود إيكوغرافي في 7 شهور إذا كان ناقص ولا زاد نقص نولد في 7 شهور ، خاص الطبيبة تشوفلك واش راه يهبط منك ضروري ، لحقاش الجنين منين مايكونش عندو الماء الكافي ماشي مزيان ، والحركة قليلة لحقاش الماء ناقص مآغاديش يكون عندو المساحة الكافية باش يتحرك ، المهم خاصك تعاودي إيكوغرافي ، والطبيبة توقف معاك وإذا اقتضى الحال تولدي قبل الوقت ، شحال عندك من أسبوع دابا ؟

شكرا اختي على الجواب انا فبداية الاسبوع 38 والطبيبة لي كنت متبعة معاها بعيدة عليا بزاف حيت بغيت نولد فبلادي ايوا هي قالتلي راه قليل شوية وقالتلي غي شربي الما راه ما كاين والو خطر
وانا كنت كنشرب الما مع انه ما كنعطشش دابا راه كيتحرك ماشي ما كيتحركش نهائيا ولكن ولات الحركة تقيلة كنحس بحالا ما لاقيش ليسباس فين يتحرك دابا راني عند ماما ما بغيتش نخلعها قلتلها نمشي نشوف الطبيب وصافي قالتلي حتى للاتنين ايوا دعيو معايا

ربي يخليكم ويفرحم البنات الكبدة صعيبة الله يسمحلنا من الوالدين دعيو معايا نشوف ولدي بخير ما بقالي والو ياربي ما تحرمنيش من شوفتو سليم معافى

نبع الحنان نسيت ما قلتلك اختي ما كينزلش الما غي شوية افرازات بيضة صافي