أول البارح طيبت طاجين باللحم بطاطا جلبانا وماصدقش ماجاش بنين
خديت طريقة من هنا
بلاش مندكر سمية مولات الموضوع
عتقوني بشي طريقة تانية نعاود نطيبو لهلا يخطيكم عليا
uhth;l hgph];hj hgph];hm
بصلة موسطة مشلظة + 2 ضراس ثوم مدقوقين + زويتة بلدية واخرى + 1 ملعقة كبيرة مطيشة ديال الحك + ضامة البنة كنور ديال الربيع واخرى ديال الزعفران الحر واخرى ديال الثومة + ملح ردي البال حيت كنور مالح + سكين جبير+ خرقوم+ تحميرة + اللحم او دجاج اوى ردي كلشي على نار هااااااااااااااااادية حتى يتقلى لك اللحم مزياااااااان تبقاي تمرقي غير بالقطرة مثلا في الاول زيدي ربع كاس اناي ماء ومن بعد غير بالقطرة غير باش ماتحرقش لك العطرية وصافي وخليك حداه تبقاي تحركي حتى تشمي ريحة زوينة ديال الطياب بدت تتطلع اوى مرقي قياسك ماتغرقيهش غير القياس لي يغطي لك اللحم وصافي اوى سدي وخليه حتى يطيب اللحم نصف طيبة اوى زيدي عليه البطاطا والجلبانة وخليه اكمل الطياب على نار مهيلة حتى يطيب لك اللحم والخضرة وخلي المريقة تعقد لك شوية ماتخليهاش جارية لان هداك السبب في البسولية ديالها
وصافي بالصحة والراحة
هدشي لي تندير اختي سوى فطاجين الطين او الكوكوط وتيجي بنيييييييييييييييييين ماتشبيعش منو
غدا غاديا نديرو و نرد عليك لخبار
وهاناري ويلا ماصدقش ههههههههههه
شكرا حبيبة
واخا الاخت نوال عطاتك الوصفة اشهاتنا اممممممممممم تبارك الله عليك اختي
واخا معندييييش مع ضامة البنة انا وياها منتلاقاوش هههههه
نزيد حتا انا نعطيك طريقتي
انا كندير لحم في طاجين اندير عليه ملح قليل من الابزار
و قليل من سكنجبير و الخرقوم بلدي ااكد خرقوم بلدي
و2ريوس ثوم وربيع و قليل من الماء تقريبا ربع كاس
و نمرغ اللحم او دجاج في التوابل جيدا ثم اضيف زيت بلدية
انحط حديدة تاع طاجين على الفرن انشعل عليه اتشحر قليل
اممم على رائحة ثوم وربيع و العطرية
اتشحر مرة واحدة ونقلب اتشحر من الجهة الاخرى مرة واحدة
حداري اختي اتحرق لك ثوم لا قابليه ثم اضيف البصل مقطع من الفوق و الجوانب
الاكانت الخضر منقية كنضيفا ديك ساعة بلا ميتشحر البصل
اما الا كنت ممنقياش كنغطي على طاجين
بينما نقي الخضر و نضيفها
نكمل ليك احبيبة بتفصيل كندير جلبانة فوق اللحم ونرش بربيع
كنضيف حبة طماطم منزوعة القشر و نوى
نصف كنقطعو طريفات انديرو في الجوانب
و نستف البطاطا من الجوانب انزيد نصف لاخر من طماطم دوائر من الفوق
وزيتون و الحامض مرقد نديرو في الجونب باش اطلق نسمة في المرق و نرش الملح من الفوق
انضيف نصف كاس من الماء في الجوانب ماشي من الفوق لا
اغطيه اختي اخليه على نار مهيلة بالنسبة للحم يحتاج ساعةو نصف و الله كيجي هاااااائل و بنييييييييين
الا حتاج طاجين للماء دائما زيديه طايب و المرق بعدما يطيب الالة طويجين تاعنا و المرق قلال فيه
كترشي بقليل من الابزارو تقدميه بالصحة و راحة.
نتمنى نكون افدتك .
المشاركة الأصلية كتبت بواسطة nihade 
غدا غاديا نديرو و نرد عليك لخبار
وهاناري ويلا ماصدقش ههههههههههه
شكرا حبيبة
بالصحة والراحة احبيبة نهلا يحشمنا
انا كنستنى الزين
وخا كيبقا شوية لحراق لتحت ؟؟؟
Dyalk Derto Lyouma Man3awdch lik
sda9 bniiiid man dakchi li bghite 😀
المشاركة الأصلية كتبت بواسطة nihade وخا كيبقا شوية لحراق لتحت ؟؟؟
اوى الحمد لله احبيبة بالصحة والراحة
داك الحريق راه من النار قوتيها على الطاجين خليها مهيييييييييييلة