السلام عليكم
طبيبات المنتدى،الله ظٹط®ظ„ظٹظƒظ… بغيت الاستشارة ديالكم عاجلا
ولدي هادي عامين كان كيتشكى من الحريق فالركبة ديالو ،وكيفيق بالليل كيغوت رجلي رجلي ..مخلينا مدرنا ليه ،ديناه عند طبيبة طب عام قلباتو قالت ماعندو والو،خصوصا كيكون كيعرج بيها غير كنمشيو عند الطبيب كيولي يتمشى عادي،من بعد تكرر الامر بزاف دالمرات وخصوصا كيتزاد عليه الحال بالليل كيكون ناعس وكيفيق كيغوت
ديناه عند أخصائي عظام،دار ليه الراديوات وسمع مني شنو كاين،قالي الراديو كيبين ان كولشي عندو مزيان،معندو حتى حاجة فرجلو وفركبتو،سولني واش عندو شي خوه قلتو اه،قالي واش يالاه تزاد قتلو لا راه عندو عام وشي حاجة،قالي كيفاش دايرة علاقتهم،قتلو الكبير كيحماق على الصغير،قالي ودابا هادي الغيرة ترجمت عندو بهاد الشكل فالجسد ديالو ،وقالي ان هادشي نوع من tromas،وميحتاج لا دوا لا والو غير انتوما بداو تعطيوه اولوية اكثر واهتمام اكثر
من بعد الزيارة للاخصائي وشوية بشوية ولينا فحال يلا كنا غير كنكذبو ،ولدي مبقاتش كتحرقو ركبتو نهائيا
داز العام وجا هاد العام تقريبا فنفس الوقت بدا كيشكي من رجلو ماشي الركبة بالظبط ولكن عظلات les molets
كيفيق الصباح مكيقدرش ينزل رجلو للارض وكيمشي كيعرج ورجلو بحال يلا مبلوكية ليه عاوتاني حرنا فيه ماعرفنا شنو بيه ،عيت ندهن بفولطارين،وعيت ندهن بالزيوت والكريمات المهدئة،وصلت اننا كنديرو ليه كريبة فيها الماء سخون كيديرها على رجليه بالليل باش كيقدر ينعس
الالم هاد المرة مكيكونش بالليل بالغوات انما فالصباح فاش كيفيق وفالعشية ،وباقي النهار كيكون عادي جدا
بحث فالانترنت على هاد الاعراض لي عندو ولقيت كاين واحد المرض كيجي الاولاد فالسن ديالو سميتو les douleurs de croissances وجميع الاعراض ديالو كتنطبق على الحالة ديال ولدي،رتاحيت نسبيا لان هاد المرض كيزول بوحدو منين كيكبر الولد ومعندو حتى تأثير،انا شرحت لولدي وقلت لو انت كتكبر داكشي علاش كيبداو يحرقوك راجليك،هو فرح حيت فهم ورجع متعايش مع الامر مبقاش كيشكي من رجلو.
فزيارة لطبيبة ديالنا على قبل ولدي الصغير مريض جبدت معها الحذيت على الكبير وقلتلا انه رجع ثاني كيشكي من رجلو بحال العام لي فات ،قاتلي انا نكتب ليك شي تحاليل يديرهم يلا خرجو مزيانين راه معندو والو ومعندك مناش تخافي
ديناه درنا ليه التحاليل
هادشي لي خرج
HEMOGRAMME
NUMERATION GLOBULAIRE
Globules blancs:………6940/mm3
Hématies:……….5.06 M/mm3
Hémoglobine:……..12.4 g/100ml
Hématocrite:……………….35.5%
VGM ………….. 70µ3
TCMH …………24 pg
CCMH ……… 34%
FORMULE SANGUINE
polynucleaires neutrophiles ………..45.3%
polynucleaires eosinophiles………. 6.9%
polynucleaires basophyle ………0.4%
lymphocytes ………….39.2%
Monocytes …………….8.2%
NUMERATION DES PLAQUETTES :…………395000 /mm3
Observations: Eosinophilie
VITESSE DE SEDEMENTATION
1er heure ………: 8mm
2eme heure………..16mm
IMMUNO/SEROOGIE
(Antistreptolysines (ASLO
1285 (titre(dosage par turbidimétrie
UI/ml
proteine C creative US ………………………….5.8 mg/l
(dosage parturbidimétre)
دينا التحاليل للطبيبة قالت لينا فيه Rhumatisme artificiel aiguوخرجت ليه الدواء يتبعو شهر و7 أيام مع رجيم بدون ملح
هذا هو تريتمون
Amoxil 500 فالصباح وفالليل لمدة 6 أيام
predni20 حبة فالنهار لمدة 15 يوم من بعد نص حبة مدة 7 ايام من بعد نص حبة نهار ايه نهار لا مدة 7 ايام اخرى
calibronat 2g حبة فالنهار مدة شهر
efical sirop معلقة فالنهار مدة شهر
ومن بعد شهر و7 أيام نعاود لو التحليلة ديالASLO
ونبداو ليه حقن البينيسيلين ،حقنة فكل 15 يوم مدة 5 سنوات
وهادشي لي مقدرتش ندخلو لعقلي ولدي مازال صغير بزاف عندو 6 سنين وسبع أشهر منقدرش ندير ليه البينيسليلين فهاد المدة كاملة
كون شهر او شهرين او 6 أشهر الانسان يسبر ويجاهد،ولكن 5 سنين بزاف وعاد البينيسيلين مجهدة بزاف وولدي ميستحملهاش ،غيتعقد لي
دابا عافكم عطيوني شي حل اخر من غير هاد البينيسيلين
علاش كاع غنعطيوه هاد البينيسيلين؟؟ نعطيوه ليه على اساس افتراد ان الميكروب قاص لو الصمامات دالقلب وهنا ماشي متأكدين غير وقاية وصافي
انا مستعدة ندير ليه اي راديو او اي تحاليل لي تبين لي فعلا ضروري ولابد يدير البنيسيلين ديك الساعة بزز مني
اما على اساس افتراض منقدرش
عافكم عاونوني وتحملوني
uh[g hggi dogd;l dh ‘fdfhj hglkj]n
المشاركة الأصلية كتبت بواسطة أم يحيوت 
الله لا يوريك باس اختي،والله يجازيك بخير لي حسيتي بيا،انا هادشي عمرو كان لي لا على البال ولا على الخاطر
والله يلا انا وباه مرضنا بزاف بهادشي ولدنا ميستاهلش هادشي
لا حول ولا قوة الا بالله
في انتظار طبيبات المنتدى
اولا وقبل اي شيء ربي يشافي الوليد ديالك.
ثانيا حبيبتي عندي ليك بعض التساؤلات الا جات على خاطرك؟
وليدك واش ما عمروا تشكى من الحلاقم
وخصوصا قبل الايام اللي كان تيتشكى من الالام في ركيباتو او في الموليات ديالوا.
بالنسبة ليه واش ما كانتش تتطلعليه السخانة مع الحريق.
واش ما كانش تتحسي بيه تينهج. قلبو ما تتحسيش بيه تيضرب بزاف، ما كانش تيحس بالم في الصدر ديالو.
الاكل عندو كي عامل ؟
جاوبيني ونكمل معاك اختي وربي يطمن قلبك.
معاك دكتورة نوارة
والله يلا قلبي فرح الوقت لي شفت الجواب ديالك
اختي ولدي بحال كاع الوليدات كيجيوه الحلاقم مرة مرة ،ولكن ابدا ماشي من النوع لي كيجيوه دابا وساعة
بطبيعة الجو البارد والرطوبة فالمدينة لي ساكنين فيها كان كيمرد لي بزاف ب برونشيت ،النيوف سايلين والسعلة،ودائما كنت نديه عند الطبيب ونتبعلو التريتمون ديالو
كيف قلت ليك الحلاقم كانو كيجيوه بالحق بصفة عادية ماشي بزاف وكنت كنتبعلو أنتيبيوتيك لي كيخرجو ليه الطبيب وكيولي لباس
من غير واحد العام كان كيشكي من ودنيه كيحرقوه وحنا مفهمناش مناش داك الحريق وديناه عند طبيب اختصاصي اذن انف حنجرة،قلبو وقالينا هادو الحلاقم لي دارو ليه حريق الودنين،قلنالو مكطلع لو سخانة مكيبانش ان حلاقمو لي كيضروه كان كيشكي فقط من الودنين،عطانا تريتمون تبعناه ليه وولى لباس الحمد لله
بالنسبة مباشرة قبل مايبداو يضروه ركابيه او ليموليه،مكان كيشكي من حتى حاجة
وشي مرات يلا خرجنا وتمشينا بزاف كيقولينا عييت ،هو اصلا جهدو قليل ،يعني ماشي بحال الدراري لي كيطيرو وينقزو،لا هو مكالمي وحتى لعبو مهدن
بالنسبة لقلبو مكيبانش ليا كيضرب بزاف،والنهجة عمرني لاحظتها فيه،انا فيا الضيقة وكون عمري شفتو ينهج كنت نرد لو البال حيت انا كنهج فاش كنتوقف
الاكل ديالو عادي ،مكياكلش بزآآآآف وماشي ثاني مكياكل والو،داخل فles normes،والوزن ديالو حاليا 19 حتى ل 20 كيلو وعندو ست سنين و8 اشهر
نتنمنى اختي نكون جاوبتك على كل الاسئلة
يعني على هذا الاساس الطبيبة المعالجة اخدات القرار ديالها
ولكن حبيبتي اللي كنصحك هو انه تاخدي ولدك عند اختصاصي
لانه قبل ما تبداي البنيسيلين خاص بعدا نعرفوا القلب ديالو الى
اى مدى وصل ونعرفوا واش اصلا عندو مشكل في القلب
وعلى هذا الاساس عاد الطبيب المختص ياخذ القرار ديالو.