عااااجل ارجوكم

السلام عليكم ورحمة الله وبركاته
الله يخليكم الانيقات الغزالات ولدي غادي ان شاء الله يكمل قرايتو فمدينة Angers بفرنسا شكون عايشة تما او عندها شفكرة على الحياة فيها من ناحية الكراء و المعيشة فيدوني الله يجازيكم بخير

---

uhhhh[g hv[,;l

و عليكم السلام و رحمة الله تعالى و بركاتة اختي اناعايشة في فرنسا من ناحية الكرا شوية قاسح على لي يكون جاي يقرا و ماشي خدام ..انا ننصحك يقلب على لي يكري معاه باش يتعاونو و يحاول يكري في الاحياء لي بعاد شوية على وسط المدينة حيت الثمن شوي ناقص…اما من ناحية المعيشة ضروري ما يتقدا من المكازات لي رخاص و في المستوى الا بغا مايغلبوش الحال ويكمل قرايتو بخير……الله يوفقو وتشوفيه كما تمنيتي….. على فكرة هذي اول مشاركة ليا هههه

الله يكما على وليدك وتشوفيه كيف كتمناي

شكرا الحبيبة على الرد والنصيحة ديالك لهلا يخطيك ، وفعلا راه غادي يمشي مع 2 ديال صحابو و يحاولو يقلبو على الكرا مجموعين ، زيدينا من مشاركاتك الله يجازيك بخير

امين اختي شكرا ، حتى انت الله يخليلك ماعز عليك

وعليكم السلام ورحمة الله تعالي وبركاتة
شوفي أختي أش غدي نقولك غير الله يسمح لينا من من حق الوالدين

فقد روى الشيخان عَنْ أَبِي هُرَيْرَةَ رَضِيَ اللَّهُ عَنْهُ أنّه قَالَ:
جَاءَ رَجُلٌ إِلَىٰ رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ:
يَا رَسُولَ اللَّهِ! مَنْ أَحَقُّ النَّاسِ بِحُسْنِ صَحَابَتِي؟ قَالَ:
«أُمُّكَ». قَالَ:
ثُمَّ مَنْ؟ قَالَ:
«ثُمَّ أُمُّكَ». قَالَ:
ثُمَّ مَنْ؟ قَالَ:
«ثُمَّ أُمُّكَ». قَالَ:
ثُمَّ مَنْ؟ قَالَ:
«ثُمَّ أَبُوكَ». متفق عليه.
حديثٌ

ولدك غادي يجي لدراسة بفرانسا إنشاء الله الله يعاونو، أول حاجة ملي يبغي يسافر دعي معاه من كل قلبك ورضي عليه وملي يركب في طائرة يقول اللهم كن لنا رفيقا في سفرنا ورحيما بأهلنا 3 مرات ويقول
أن الذي فرض عليك القران لرادوك إلي معاد 3 مرات وغير ينزل في هذا البلد السعيد يقول اللهم أدخلنا مدخل صدق وأخرجنا مخرج صدق وجعل لنا من لدونك سلطانا نصيرا ومعينا وضهيرا 3 مرات
بالنسبة المدينة لي دكرتي سولت ليك زوجي كيقول هي مدينة جميلة جدا وفيها مناظر خلابة

هذا الموقع ديال المدينة
ممنوع وضع روابط للمواقع

وهذي بعض صور

وهي كأي مدينة في العالم فيها المزيان والخايب والانسان عينو ميزانو هي مدينة فيها الكثير ديال الناس في التقاعد أي ماديا مرتاحين و معروفة بسباق الخيل والمستوي المعيشي مرتفع بالنسبةمناطق أخري
مثلا فين أنا ساكنة المعيشة والكراء ماشي بحال باريس مكاينش وجه للمقارنة
والمدينة فين ولدك غادي يدرس إنشاء الله كيف قالت واحد السيدة الله يجازيها بالخير يبحث خارج المدينة مع الحفاض علي وسائل النقل من الافضل
ومن الاحسن يبحتو علي شقة مفروشة هذي وجه نضري حدتك علي شقة مفروشة لانها أحسن في البداية
إنسان معارفش البلد وما عارفش المدينة ويدخل للسكن ممفرش عاد خاصو يشري الاثات كاتجي قاصحة شويه والمصاريف هما في غيني عنها في الاول
والشقق المفروشة فيها كل شئ كتدخل غير بالحقائب ديالك ملي كانقول فيها كولشي فيها كولشي
وملي يولفو ويعرفو فين يمشو ويجيو وفين يتقداو ويتعرفو مع الطلبة بحالهم في ديك الوقت إلي بغاو يغيرو السكن هذاك حقهم والاحسن أختي ياخدو موعد مع جمعية للدفاع علي حقوق المستهلك وهي مهما بزاف بزاف بزاف غادين يشرحو ليهم مالهم وما عليهم
هذا الموقع ديال الجمعية

ممنوع وضع روابط للمواقع

سمجلي طولت عليك
والله أختي لفكرتيني في ممتي والاب ديالي كيفاش كانت حالتهم ملي سافرت مع زوجي للاقامة بفرانسا شوفي أختي إلي حتجيتي لشي معلومة متردديش حسب إستطاعتي
الله يحفضلك ولدك والاصدقاء ديالو ويحفض جميع الشباب

شكرا بزاف اختي نسيم الصباح على النصائح و الكلام الطيب ، والله ما تصوري اختي شحال هازا الدبيلة لولدي ، خايفاه يتكرفص تما خصوصا انه ولد دارهم مامولفش بالزناقي ،
الله يجازيك بخير و يعاونك على الغربة

لاشكر علي واجب علي الراس وعين أختي