طورطة بالكركاع والاناناس

هدي واحد الطورطة كتجي غزالة ومفيهاش الخدمة بزاف
غدي نحتاجو ليها
غدي نحتاجو للجنواز
5 بيضات
كاس الزيت
200 غ الدقيق
100 غ سنيدة
100 غ كركاع مهرمش
2 خمارات
1 فاني
2 م ك كاكاو
للتزييييييييين غدي نحتاجو لاكريم فريش وشوية الكركاع واناناس وحبيبات سوريز احمر
لسقي الجينواز انا استعملت سيرو ديال الاناناس المعلب

نخدو البيض وسنيدة وفاني حتى يولي الخليط كريمي انا استعملت العجانة

ثم نزيدو الزيت حتى نحصلو على خليط بحال هكا

نغربلو الدقيق والخميرة وكاكاو ونزيدوه على الخليط ونحركو غير بشوية وفي الاخير نزيدو الكركاع مهرمش


ندهنو 2 مول بحال بحال ونقسمو فيهم الخليط ممكن تستعملي غير قالب واحد

ندخلوهم الفران وهاهما مني طابو راه دخيا كيطيبو نردو البال

انا قسمت كل وحدة على 2 باش يجيونو 4 طبقات
كنحط طبق التقديم مباشرة نزل القطعة الاولى ونفرش الورق من الجناب باش مني نكمل نزولو ويبقى لي طبسيل نقي

كندير الاطار ديال القالب باش تجيني ساهلة في التزيين

نسقيوها بالسيرو مزياااااان ونديرو طريفات الاناناس مقطع عاد نديرو لاكريم شونتيي


ثم نديرو قطعة الجينواز لاكريم وشوية الكركاع مهرمش وهكا حتى نكملو الطبقات كلهم بلا منساو نسقيو كل قطعة الجينواز مزيان في كل مرة

ثم نغطيوها كلها بالشونتيييييي ونزوقوها حسب الرغبة انا زينتها بالشوكلاط محكوك وطريفات الاناناس مع سورزات حمرين

بالنسبة للشوكلاط لزينت بيه الجناب دوبت الشوكلاط سرحت فوق البابيي المنيوم على شكل شريك خليتو نشف شوية وقطعتو على شكل مثلتات وخليتهم حتى يبسو عاد زوقت بيهم


وهدا شكلها