السلام عليكم
إلى جات على خاطركم تفيدوني وتنصحوني ..عندي ثوب دالجلابة غليظ أسود فيه دوائرفضية ماعرفش أشمن خياطة ندير ليه والسفيفة واش نديرها كحلة أولا مخلطة كحل وفضي اشنو رأيكم نتوما
حاجة أخرى جاني ثوب جوهرة هدية من الحج والصراحة ما عندي حتى فكرة أش ممكن نعمل بيه
كانتسناكم ماتبخلوش علية بآرائكم
‘gf kwdpm ,wpdm
بالنسبة للتوب الاسود فنظري مللي فيه الفضي علاش مديريهش قفطان واقف وتخيطيه يالفضي بوحدو غيجيك واعر اللعم الفصالة شوفيليك شي خياطة عندها فصالة رومية بلدية ودواقة كاينين موديلات كيحمقو ولا ختاري بنفسك خدي الافكار من مجلات للي عند الخياطا
بالنسبة لجوهرة مكينش للي كيعطيها حقها فنظري قد الراندا وما ادراكما راندا ديال دابا تبقاي غير حلا فمك ومتعرفي فيت تشديها وبحال درتيها قفطان 2بياس بحال جلابة 2بياس غتجيك كتحمق غير نصيحة مني متشارجيش باش اجيك نقي وكلاص
وبصحة وراحة وسمحيلي على الفهامات
المشاركة الأصلية كتبت بواسطة الاميرة السعيدة 
بالنسبة للتوب الاسود فنظري مللي فيه الفضي علاش مديريهش قفطان واقف وتخيطيه يالفضي بوحدو غيجيك واعر اللعم الفصالة شوفيليك شي خياطة عندها فصالة رومية بلدية ودواقة كاينين موديلات كيحمقو ولا ختاري بنفسك خدي الافكار من مجلات للي عند الخياطا
بالنسبة لجوهرة مكينش للي كيعطيها حقها فنظري قد الراندا وما ادراكما راندا ديال دابا تبقاي غير حلا فمك ومتعرفي فيت تشديها وبحال درتيها قفطان 2بياس بحال جلابة 2بياس غتجيك كتحمق غير نصيحة مني متشارجيش باش اجيك نقي وكلاص
وبصحة وراحة وسمحيلي على الفهامات
شكرا أختي بارك الله فيك اللي جاوبتيني وعبرتيني
إن شاء الله نديربنصائحك لأن التوب الأسود واقف نقدر ندير بيه قفطان جلابة
بالنسبة لثوب جوهرة قلتي نديرو 2بييس واش يكون هو الفوقاني وأشمن توب يجي تحتو ..ولاندير العكس
بخصوص الثوب ديال الجلابة احسن خياطة ليه هي الاسوض والفضي والعقاد مزرولين بالفضي والاسود غادي تجي زوينة
بالنسبة لتوب جوهرة الوالدة خيطات 2 طلعوا زوينين نصورهم ونجيبهم ليك ربما نفيد
المشاركة الأصلية كتبت بواسطة سفيرة الأناقة بخصوص الثوب ديال الجلابة احسن خياطة ليه هي الاسوض والفضي والعقاد مزرولين بالفضي والاسود غادي تجي زوينة
بالنسبة لتوب جوهرة الوالدة خيطات 2 طلعوا زوينين نصورهم ونجيبهم ليك ربما نفيد
شكرا أختي الله يعطيك ماتمنيتي فخاطرك
إلى قدرتي تصوري لي الجلابات ديال الوالدة نكون ممتنة