طلب من انيقاتي احدg نساء العالم

السلام عليكم البنات نتمنى تكونو كلكم بالف خير ان شاء الله بالرغم من انني مبتداة في الطبخ بحكم صغر سني 22 سنة و بحكم تجربتي المتواضعة في الطبخ الا انني اتوق الى دخول المطبخ لاعداد كل ما هو جديد فهذه هوايتي و تعتبرني عائلتي حادgة ههه لانني احاول التوفيق بين الدراسة و البيت و ابني و الفضل يعود لمنتدانا الغالي الذايواي اصبح بالفعل بمثابة الاب الروحي المهم هذا ليس موضوعي انا اطلب من اخواتي المحترفات ان يرشدنني الى مختلف انواع البهارات التي تناسب اللحوم مثلا اللحم والدجاج والسمك مع طريقة طهي الاطباق المتداولة في حال قدوم الضيوف التي تحمر الوجه طبعا هههه ايوا حمرولي وجهي وماتبخلوش عليا

---

‘gf lk hkdrhjd hp]g kshx hguhgl

للرفع

يالخيبتي ولا مشاركة او اهتمام

حرام عليكم واش حتى وحدة ماتفيدني بلي عطاها الله

هنا جيت الى قبلتي عليا البهارات خصك بزار سكنجبير زعفران حر قرفة توم معدنوس هدشي للحم الاحمر لدجاج نفس توابل نقصي غير القرفة السمك الكامون تحميرا معدنوس قزبور توم لي عودة ان شاء الله

شكرا حبيبتي على اهتمامك بموضوعي انت الوحيدة التي اهتمت لسؤالي انتظرك لتطلعيني على طريقتك في طهي اللحوم بشكل يليق بالضيوف اسعدني مرورك و حفظ الله ابنك ورعاه

امين احبيبة لمهم بالنسبة للحم بالمرق تتخد لحم من الاحسن لملج او الى مكانش قول لجزار اقطعلك طروف كبار تتغسليه تديريه ف كوكوط تيطلق داك الماء من بعد تضيف زوج بصلات كبار مشلضين تتكون العافية مهيلة تتحرك مر مر على متنزل البصلة من بعد تضيف توابل معدنوس ربطة توم محكوكة زيت نباتية ا زيت العود متكتريش لان لحم تيكون ميدم اتحرك مزيان حتى يتشحر ايبد لون تيحمر تضيف تقريبا لتر الا ربع ديال الماء اتسد اتخليه مدة ساعة و نصف هدشي على حساب لحم واش صغير او شارف ا مر مر حرك الكوكوط لتحرق من بعد ملي تيطيب خص لحم اكون فتي تنزول لحم اتنخد ملعقة خشبية اتنبد نحرك فالمرق ا هي على العافية مهيلة حتى تتختر تتولي فحال شي صوص تنسلق برقوق ا لمشماش ا لوز كل على حدى تندير لوز وسط مشماشة اتنعسل البرقوق تنعسل اندردر شوية ديال زنجلان والى كان الاناناس تتعسليه اتحط وسط كركاع تيجي هائل اطبعا اكون مرافق سلاطات

بارك الله فيك حبيبتي ام محمد اياد وفي ابنك و زوجك طريقتك في طهي اللحم اعجبتني و انتظر طريقتك في طهي الدجاج باذن الله لانني غالبا ما اخفق في طهييه حتى اجد الدجاجة تمزقت بعض الشيء يعني كم من الوقت يكفيها لتطهى تماما

سلام عليكم بالنسبة لدجاج تنخد صغير كلو ونص تتغسليه تزول الشحم تديري الحامض الملح سكنجبير اتخليه اترقد ليلة غسليه مزيان من بعد تتحك زوج بصلات توم معدنوس ابزار سكنجبير خرقوم زعفران حر شويش ملح زيت العود زيت نباتي من بعد تدهن دجاج بهاد شرمولة اتخليه واحد ساعة عاد ديري ديك شرمولة تشحر هي ا لكانص عاد بللي بالماء اخليه اغلى عاد ضيف دجاج اسدي عليه بلا سفارة اتكون لعافية مهيلة لمدة ساعة الا ربع اقلب بشي سفود صدر واش طايب من بعد زوليهم فشي شبكة استقطر دهني لمول بزبدة دهني دجاج بلمطارد احطيه فلمول الى الفرن اكون سخون مزيان حطي المول من الفوق بحدهم تيتحمر تيخد شوية الوقت من بعد تتغلي الكبدة ديال دجاج ف الماء تتصفيها اتقطعيها تضيفها لمرق اتخليه طيب اتعقد المريق حتى تختر مزيان حطي معاه زيتون حمر ا البيض بالصحة ا راحة